Salamo 93 - Iaai Bible 1901 (New Caledonia)1 IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet. 2 E tethmâ ânyâm theron hwân adrem: U ûnyi kâû adrem balua. 3 Iehova lö, ame hai göranyai hnen ta je di, Haba ta je di adre me hai göranyai ifucidra; Haba ta je di adre me ogöranyâ meaidra. 4 E hwege Iehova hnyi dok ae gorany Hon hwan je köiö ae se hia, Me je wabuluiny köiö ae hwege. 5 E hnathu hmönyin hnâm ta je hna ohnatho: E ûcû hwakecin ae kap ka hnyi umâm uma, Ke ne o but nyiele balua, Iehova. |
maintained by the British and Foreign Bible Society
Bible Society of the South Pacific