Salamo 91 - Iaai Bible 1901 (New Caledonia)1 HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia. 2 Oge me he ka ha kö Iehova, ka habe, E thibi hnok hna lubaduöng me hnok hnabâ; Me Khonguk, a at oge me labageju kâu. 3 Anyin a e ame he ka uny u ûnyi hnyi hnewe anyin at ame töu hnewe, Me ûnyi hnyi mok cap at ame okongoâ. 4 E ame be ka tubi u ge leûnen, Ke u me he ka lubaduöng hmelen li labenyin: Haba anyin hnathu, me, hnân bec me bec ae gan. 5 U me ca he ka outen ûnyi adre me outen hnyi hnyinghet, Ke fana at ame gâ hnyi lany; 6 Ke mok cap at ame ngenu hnyi menekholom, Ke mok hnân mekiny at ame ûhohiö hnyi jebigö. 7 Ame he khaca thauzan ka ta hnyi ke keihâm; Ke ten je thauzan hnyi hnyamâm a metâm; Kʼ ame ca he bi ka hakekenyi u. 8 Ame he ka wâ e thibi hnen li emâkâm, Me wâ hwaban ka tavat ae kong. 9 Anyin a u thibi Iehova hnok hnabâ! U je hia but wiö Beönua me hnân hnyabam; 10 Ame ca he ka o köu ke ûnyi ae kong, Kʼ ame ca he mok ka dit ka hnyi umâm uma mano. 11 Anyin a e ame he ka hûna anyin ta je angela gam, He ka tuö u hnyi dem ta je gethen hia, 12 Adre me he ka kap tilö u ge ta je hnyamödra, Wâ u nye he ka thö hnyeûcam hnyi veto. 13 U me he ka uto liona me asip: U me he ka uto nak liona me on ge li cam. 14 Can e ame hnyok könya, me oge me he ka omelo e: Oge me he ka otilâ e goranyai anyin a e khana but iök. 15 E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e. 16 Oge me he ka osekunâ hnyekon ge möt ae beû, Me omanenâ kâu anyik ûhomeli. |
maintained by the British and Foreign Bible Society
Bible Society of the South Pacific