Salamo 87 - Iaai Bible 1901 (New Caledonia)Salamo anyin laku Kora, a Khumöng. 1 ETHÖ hnyi je bucen ae kap taben. 2 Iehova ame ti beweny je homagouleny Ziona, Hon ta je hnyaba Jekob hia thithö. 3 Taun anyin Khong lö, Adre me ha ta je hofuc ae hmanenang gam. [Sela. 4 Oge me he ka haiö Rahaba, me Babulona a unyin tavat ae khanʼ ödra inya: Wâ bi Filisiti me Turo, tha ödru me Aithiop; Walang at adre hnokoâ eling. 5 Eke, adre me he ka ha ga Ziona, ka habe, Adre me hnokoâ eling at ang ame ne at e; Ke ame he ka otethmâ e hnö Beönua. 6 Ame he Iehova ka aû, e ka sihnalimen ta je hnyei, ka habe, Walang at adre me hnokoâ eling. [Sela. 7 Ke haba tavat khumöng, me tavat minya biâ, adre me he ka ha, ka habe, E unyâm anyik je pupua hia thithö. |
maintained by the British and Foreign Bible Society
Bible Society of the South Pacific