Salamo 72 - Iaai Bible 1901 (New Caledonia)

Salamo anyi Solomona.

¹ KHONG lö, ham dö ka than he ka owisa ûnyi gam, Ke ham hwakecâm ae wisa ka nokon than.

² E ame he ka owisa lakem ge hwakecin ae wisa, Me latâm ae vec hoton wisa.

³ Ame he ta je bucen ka okûâ ûsoköu hobi kâu tavat, Me je dok minya ae hut, hnen hwakecin ae wisa.

⁴ E ame he ka owisa tavat ae vec hnyi hnyei, E ame he ka omelo lakon tavat ae ba ta ûnyi, Me thu omomono at ame ûokonguny.

⁵ Adre me he ka outö u ke tiga e bi seûno, Ke tiga e bi tehi, ke ne o but hnyi ta je dö hia.

⁶ E ame he ka ta helâ me we hon ta hnaonying adre sö: E ûcû me we ame ta but ka hnyi ta hnyei.

⁷ Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

⁸ E ame he ka musi minya ûnyi hnyi ke köiö ke ne o but ka hnyi ke köiö, Ke ûnyi hnyi Wagewe ke ne o but ka hnyi je can hmeledrany.

⁹ Ame he ka nom kâu tavat adre me laba hnyi hnyebuba; Ke ame he je iwahnaihmiöny mē ka drem kânâ.

¹⁰ Ame he je than Tasesa me je bomene ka ham ta je bwihlany; Kʼ ame he je than Sheba me Seba ka ham ta je fat.

¹¹ E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.

¹² Anyin a e ame he ka omelo at ae ba ta ûnyi e ka tenge; Me at ae vec waleji ae ba at he ka hadruâ,

¹³ Ke e ame he ka betenge ge at ae vec me at ae theduoc, Kʼ ame he ka omelo je hanon tavat ae ba ta ûnyi.

¹⁴ E ame he ka omelo je hanudra ûnyi hnyi hwakecin ûsedö me hna okongoâ; Kʼ ame he ka ûnyi hnathu drödra hnyi hnyimakan:

¹⁵ Mʼ adre me he ka möt: kʼ adre me he ka ham kâu goliny Sheba: Kʼ amo he tavat ka hic bala hobi kâu; Kʼ adre me he ka haisoâ e hnyi je bong hia.

¹⁶ Ame he ka hu hnyi hnyei hwit ae gan hmâ hon ban je bucen; Kʼ ame he ta je waniny ka bwebwet helâ me Lebanona: Kʼ ame he ka sot aten je taun helâ me hnaönyinginy hmeledrany.

¹⁷ Amo he ka tethmâ ien nyiele balua; Kʼ ame he ka e bala bi e ka tiga hu seûno ethö: Ke ame he ka hnahic tavat ûnyi gan; Ame he ta ogo hnyei hia ka ha a e ame senyin.

¹⁸ E so adre me haisoi Iehova a Khong, wale Khongu Isaraela, E thibi at ame ânyâ ta je ûnyi hnân lâiâ:

¹⁹ Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

²⁰ A um dö ta je hic hiji Davita a nöku Jese.