Salamo 56 - Iaai Bible 1901 (New Caledonia)

Hobi kâu at vhik khumöng; adre hai hnyi Jonath dem rehokim. Salamo anyi Davita: Mectam: hnyi ûen adre me hom e hnen at Filisiti hnyi Gatha.

¹ KHONG lö, betenge ju gak; anyin a beutâ unyik hnen at: E ame vat mönya me oveci nya hnyi je bong.

² Ame beweny he ka utâ unyik hnen je iwahnaihmiöny mönya hnyi je bong: Anyin a ödra se hia adre me vat mönya me bi gan.

³ Haba bong oge me ot hnyin, Me oge me he ka labageju köu.

⁴ Ge Khong oge me he bi ka ogânâ hwan hofuc: Ge Khong oge hia but labageju, kʼ oge me ca he ka ot; Ie ûnyi ae khana at he ka ânyâ könya?

⁵ Adre me labö wia hok hofuc hnyi je bong hia: Hnân okongu nya je ûnykûmenödra hia.

⁶ Adre me ûkhacaköu, adre me laba duöng, Adre me bi haten hnok je hna okca, Helâji me hnödra hna halubahingen hanuk.

⁷ Hawa, adre me he ka kec möt a deny hulö? Khong lö, hagutâ but ta je hnyei hnen ânyâm bi hmonyin.

⁸ U je aû hnok je hna ngenu: Hingâlâ but je deköiök ka hnyi ânyâm kaia; Hawa, ca e bi hnyi ânyâm tusi?

⁹ Me ame he ka hmetuhmetu je iwahnai hmiöny mönya hnyi bong oge me hawâ hnyin: Walang hnok hna khana, ka habe, hiök Khong.

¹⁰ Ge Khong, oge me he ka ogânâ hwan hofuc: Ga Iehova, oge me he ka ogânâ hwan hofuc.

¹¹ Ge Khong, oge hia but labageju, oge me ca he ka ot; Ie ûnyi ae khana at he ka ânyâ könya?

¹² Khong lö, e unyik anyik je khöbi gam: Oge me he ka hudo je ole köu.

¹³ Anyin a u je hia but omelo hanuk ûnyi hnyi mok: Hawa, u je ca omelo li cak, ödra ka waifilica? Me inye he ka he hnyi hnyimakan Khong Hnyi melaminy tavat ae möt.