Salamo 54 - Iaai Bible 1901 (New Caledonia)Hobi kâu at vhik khumöng; hnyi Neginoth. Salamo anyi Davita hnân ûnö: hnyi ûen a o hnyin at Zif, me ha kö Saulo, ka habe, Hawa ame ca lubaduöng bi Davita unyihmun? 1 KHONG lö, omeli nya thö ûnyi hnyi iâm, Ke owiso nya thö hnen tang hwegiâm. 2 Khong lö, long ju hijik hic; Tevehlöng ju ifucin hnyimök. 3 Anyin ame todrö könya ta je atkanyua, Kʼ adre me elâm hanuk tavat ûokonguny: Adre me ca ip Khong hnyi hnyimakodra. [Sela. 4 Wâ bi Khong thibi at ame hadruo nya: Haba Than ame tha e me tavat adre me cö hanuk. 5 E ame he ka bi hwaban monu anyin je iwahnaihmiöny mönya: Ohiʼ ödra but hnyi ânyâm hnathu. 6 Oge me he ka hudo köu hut ae betenge: Iehova lö, oge me he ka oleâ iâm, anyin ae so. 7 Anyin a e ame hia but omeli nya hnyi je vec hia thithö; Ke a hia but wâ hnen li emakök ûnyi oge me wek ka ta je iwahnaihmiöny mönya. |
maintained by the British and Foreign Bible Society
Bible Society of the South Pacific