Salamo 53 - Iaai Bible 1901 (New Caledonia)Hobi kâu at vhik khumöng; adre hai hnyi Mahalath. Salamo anyi Davita hnân ûnö. 1 HAINGEN at ae monu eû hnyi hnyekon, ka habe, E ba Khong. Adre me bo kong ut, ke adre hia but ânyâ huliwa ae ikiki; E ba at ame mâdrâ so. 2 Haba Khong ethö hnyi drany ame wâ lakon tavat, Me me wâ thö, hawa, e hu at ame wâ ûnykûme, Me elâm Khong. 3 Adre me saû hia but; adre me tha kong ut; E ba at ame mâdrâ so, e ba hmonyin me khaca. 4 Hawa, e ba hnyekudra tavat adre me ânyâ hulo? Wale tavat adre me an lakeik helâ me hna an jeû, Me ca hongot bi ka Khong. 5 Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra. 6 E na o but ûhomeli anyi Isaraela ûheny Ziona! E ka he Khong ka ohmeto lakeiny tavat adre bâ, Me me he Jekob ka senyin, kʼ ame he Isaraela ka hobâ. |
maintained by the British and Foreign Bible Society
Bible Society of the South Pacific