Salamo 52 - Iaai Bible 1901 (New Caledonia)

Hobi kâu at vhik khumöng. Salamo anyi Davita hnân ûnö: hnyi ûen waleji ame o hnyin Doega at Edoma he ka ha kö Saulo, a gʼ ame he but Davita ka hnyi uma umö Abimelek.

¹ AT ae hwege lö, ieû gam u me ohobeluâ ûokonguny? E bala bi ibetengiö anyin Khong.

² Haba bohmâm ame penapena hwakecin ae ti kong, Helâ me heleûgi ae so hwan, kʼ ame huliwa iyawâ.

³ U je hnyokâ monu hon so; Ke thoi, hon he ka ha hofuc ae wisa.! [Sela.

⁴ Bohmen lö, at thoi, U je hnyokâ hofuciny hutö hia.

⁵ Kʼ ame he Khong ka hagutâ degeci u ke ne o but nyiele balua, E ame he ka kot u, me oc degeci u ûnyi hnyi umâm uma mano, Me uk u ûnyi hnyi hnyeiny tavat ae möt [Sela.

⁶ Kʼ ame he bi tavat ae wisa ka wâ e, me ot, Me hlumâ e, ka habe,

⁷ Wâ ju at ame ca oûnyihnatho bi Khong me me hnabâ bi kâu; Kʼ ame gejoâ ûganiny tang omjehen, Me ohwegiâ e bi hnyi anyin hulo.

⁸ Ke iny ûcû me elaio ame kû khulelau hnyi uma umen Khong: Oge me labageju ka ihetengiö anyi, Khong nyiele nyiele balua.;

⁹ Oge me he ka ole köu ke ne o but nyiele balua, anyin a u je hia but: ânyâ e: Ke oge me he ka labageju ka iâm hnyi hnyimakan ânyâm wakap, anyin ae so e.