Salamo 44 - Iaai Bible 1901 (New Caledonia)

Hobi kâu at vhik khumöng. Salamo anyin laku Kora. Hnân ûnö.

¹ KHONG lö, ohmun e long ge je hnyi-könyöhmun, kʼ ame ha gaga kohmun hnen je lakamöhmun. Waleji ge huliwa u je ânyâ hnyi bongudra ta je bong, waleji hnyi ta je bong adrem.

² U je obâ aten je hnyei ge hnyamâm, me te hwabödra: U je okongoâ je hnyei, me obâ degeci ödra.

³ Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

⁴ Khonguk lö, u thibi Tuhok: Hûna ju möt hobi kö Jekob.

⁵ Ohmun e he ka hagutâ je iwahnaihmiony möhmun ûnyi gam: Ûnyi hnyi iâm ohmun e he ka uto ju tavat adre me tot kohmun.

⁶ Anyin oge me ca he ka gejoâ anyik cafana, Ke ame ca he ka omeli nya anyik hele vat.

⁷ Ke u je hia but omeli ohmun ûnyi ge je iwahnaihmiony möhmun, Me ohmehma tavat adre me hûköti ohmun.

⁸ Ohmun e hia but ohobeluâ Khong hnyi je bong, Me ohmun e he ka oleâ iâm ke ne o but nyiele balua. [Sela.

⁹ Ke walang ang u je hia but digic ohmun, me oûhnyûkongu ohmun; Me ca tha he hele me anyihmun je utbavat.

¹⁰ U je ohmetubmetu ohmun ûnyi ge je iwahnaihmiöny, Me ame he tavat adre me hûköti ohmun ka söh hobi kodra bi.

¹¹ U je hia but hnʼ ohmun helâ me je mamoe hnân ban; Me ovesei ohmun dut hnyi wanben ta je hnyei.

¹² U je ûco lâtâm ke ba troban, Me u je ca bi hanen ka omjehem ge hwabödra.

¹³ U me wiʼ öhmun mʼ adre me he ka haikongu öhmun, tavat adre me laba hakekenyi öhmun, Me hnân hi öhmun me hlumʼ öhmun hnen tavat adre me laba igigili öhmun.

¹⁴ U me wiʼ öhmun me hnân taben ûhiö anyin aten ke je hnyei, Me hnân nyinyikâ ban hnyi wanben je hnyei.

¹⁵ Haba hna hom ûhnyûkongu nya, e bala bi hnyi hnyimakök hnyi je bong hia, Kʼ ame tubi nya hnen hmehmainy li emakök;

¹⁶ Ûnyi hnyi hwan at ame ûhaiö me fuc bi gan ka Khong; Ke ûnyi hnyi iwahnaihmiöny me at ame bi hwaban hmeto.

¹⁷ Ame o but ta je ûnyi hia e kohmun; ke so bi öhmun e ca hnying u bi, Ke öhmun e ca hia but thoi hnyi ânyâm ûhihinyköu.

¹⁸ Ame ca hmetu je hnyekuhmun, Kʼ ame ca saû bi hnöhmun je hna okca ûnyi hnyi dem gethen;

¹⁹ Ke so bi u je hia but kuc öhmun hnyi hnen je tanimo, Me tubi öhmun ge hmenon mok.

²⁰ Öhmun e ne hia but hnying ien Khonguhmun, Me hinöbeny ka ke Khong bi;

²¹ Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

²² Eke, can iâm adre me hlingʼ öhmun hnyi je bong hia; Kʼ âdre me öû öhmun helâ me je mamoe hnân hlingâ.

²³ Than lö, hmak dö, ieû gam u me mokut? Todrö, ca digic öhmun bala bi.

²⁴ Ieû gam u me ikhâlâ hnyimâkâm, Me hnying anyihmun vec me hra sedʼ öhmun.

²⁵ Anyin adre hia but oto hanuhmun ka hnyi sesâ: Kʼ ame kece but je hnyekuhmun ka hnyi kânâ.

²⁶ Todrö he ka hadruʼ öhmun, Me bi hwaban anyihmun möt ûnyi hnyi ânyâm ibetengiö.