Salamo 39 - Iaai Bible 1901 (New Caledonia)

Hobi kâu at vhik khumöng, wale Jeduthun. Salamo anyi Davita.

¹ HAINGÖK, Oge me he bi nya ka tuö dek je gethen, Mʼ oge me ca he ka monu ge bolimök: Oge me he ka tuö hnyimök ge ûnyi hnân ohnyibö, E ka tiga laba hnyi hnyimakök tavat ae kong.

² Oge me laba hum ke hnyibû, eke, hnyi ûnyi ae so; Ke ame bwebwet anyik hloûhloû.

³ E kahwa hnyekuk eû hnyik; Inya oge me tiga ûnykûme, me ame ubâhlâ bala thö meic. Me oge me fuc dö ge bohmök;

⁴ Iehova lö, omanenâ thö könya obiny gak, Me tulutiny bonguk je bong, me bo ngon e; Omanenâ thö könya ae okhulit bonguk je bong.

⁵ Wâ bi, u je hia but oâ bonguk je bong helâ me je tulutiny hnyam; Ke helâke e ca ûnyi hnathu je hunaik hnyi hnyimâkâm: [Sela. Awe, thatûnyi tavat hia thithö adre op.

⁶ Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

⁷ Ke walang ang, Than, ieû oge me halubahingen? Ke u thibi hnok hna gejon.

⁸ Thong nya but ûnyi hnyi hnok je hna hanyâûâ hia: Ca hna but at ae monu he ka haiö nya.

⁹ Oge me hum but, oge me ca khong hnyimök; Anyin a u thibi at a ânyâ.

¹⁰ Hom but gak hna kuc nya gam: Oge me aû hut ge hna ûkûc hnen benyâm.

¹¹ Hnyi ûen u je nâ at wale he ka thawâ hulo, Mʼ u me ohia anyin hmanenang helâ me walelaba: [Sela Awe, thatûnyi tavat hia thithö.

¹² Iehova lö, long ju hijik hic, tevehlöng ju anyik tenge; Ca laba hnyibû ge deköiök: Anyin a iny atkanyua unyâm, Me at ame mē laba, helâ me lakamök hia thithö.

¹³ Ö u hwio thö gak, mʼ inye he ka hwege hmetu, Inye tiga ca he but, me hia but.