Salamo 32 - Iaai Bible 1901 (New Caledonia)

Salawa anyi Davita. Hnân ûnö.

¹ HNAHIC hnen at adre hia but ohia hnen hna hanyâûâ, me tube anyin hulo.

² Hnahic hnen at wale Iehova ame ca ha anyin hulo, Ke ba iyawö hnyi banon.

³ Hnyi ûen oge me laba hnyibû, me ame bobot je jeiok Can anyik tenge ae gan hnyi je bong.

⁴ Anyin ae hmak hnyamâm huk hnyi lany me lit: Adre wia khubetiny unyik me me helâ me kahwa hnyi hnyeun. [Sela.

⁵ Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

⁶ Can e, e so ame he tavat ae so ka hic köu hnyi ûen ae khanʼ ödra he ka ō u: E hnathu e ka o but wadutö ae gan, me ame ca he ka hakekenyâ e.

⁷ U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

⁸ Oge me he ka nö u, me ku köu gethen u me he ka vheno: Oge me he ka ûhnenamö möu me ecmakö u.

⁹ Ca he öbun ka helâ me hors, me miul, ae ba hnyekon: Ke hamen fao me toiny he ka hom thawʼ ödra, Wâ ödra nye ca ûhakekenyi u.

¹⁰ E se hia ta je vec unyin at ae kong: Ke haba at ame labageju kö Iehova, me ame he tang betenge ka igigilöâ.

¹¹ Hobâ thö kö Iehova, me senyin dö, öbun tavat ae wisa: Ke hongot senyin dö, öbun tavat hnyok wisa.