Salamo 29 - Iaai Bible 1901 (New Caledonia)

Salamo anyi Davita.

¹ ÖBUN lakon tavat hwege lö, ham dö kö Iehova, Ham dö kö Iehova hmanenang me hwege.

² Ham dö kö Iehova hmanenang ae ûcû me ien; Khudrung ju kö Iehova hnyi mec ae kap.

³ E hon je köiö hofuc ho Iehova: Khongon hmanenang ame bi hwan than, Wale Iehova hon je köiö ae se hia.

⁴ E hwege ifuci Iehova; Ame unöngötö ifuci Iehova ge bongon than.

⁵ Ame hmetru je arasi hnen ifuci Iehova; Eke, Iehova ame thu je arasiny Lebanona.

⁶ E ame oututi ödra helâ me nokon kau; Lebanona me Siriona helâ me nak bolokiny hnyot.

⁷ Ame ovheivheiâ je bâhlân meic hnen ifuci Iehova.

⁸ Ame bwebwet hnyebuba hnen ifuci Iehova; Iehova ame obwebwelâ hnyebuba hnyi Kadesi.

⁹ Ame kolu habû je lakon aila ge ifuci Iehova, Me okolo but ta je lan hnyot: Ke haba hnyin umen uma kap me ame ha ta je ûnyi hia, ka habe, Hmanenang.

¹⁰ Iehova ame laba me than hnyi ûen Uoû; Eke, Iehova ame laba a than nyiele balua.

¹¹ Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.