Salamo 26 - Iaai Bible 1901 (New Caledonia)

Salamo anyi Davita,

¹ IEHOVA lö, owiso nya thö, anyin a oge hia but vheno anyik wisa: Ke oge hia but labageju kö Iehova, me ca bwebwet.

² Iehova lö, elöm nya thö, me ohnathu nya; Elâm dö ûnykûmenök me hnyekuk.

³ Anyin ame laba bala cicö li emakök ânyâm ibetengiö; Ke oge hia but vheno ânyâm hnathu.

⁴ Oge me ca tha laba me tavat ae monu; Ke oge me ca he ka thâ he me tavat iyawö.

⁵ Hûkötiânök ûkhacaköu anyin tavat adre me ânyâ hulo, Ke oge me ca he ka tha laba me tavat ae kong.

⁶ Oge me he ka hinyem hnyi hwakecin ae ba hnyikongon; Ke helâe oge me he ka igigilo ânyâm taben hut, Iehova:

⁷ Mʼ oge me he ka olungâ hwan ole, Me ha gaga ânyâm ta je huliwa hia hnân lâiâ.

⁸ Iehova lö, oge me hnyokâ hnyaban umâm uma, Me dok ame laba hnyin ânyâm hmanenang.

⁹ Ca he ka tha hom hanuk me tavat ae kong, Me melik unyin tavat ûhlingö:

¹⁰ Ae hu ûokonguny eû hnyin je hnyamödra, Ke unöngötö hnyamödra a metâ ge hok hwaban ae hwali.

¹¹ Ke oge me he bi nya ka vheno hwakecin ae wisa: Omeli nya ju, me betenge ju gak.

¹² Ame tot li cak hnyi dok ae wisa hon: Kʼ oge me he ka haisoi Iehova hnyi jo ûkhacaköu.