Salamo 24 - Iaai Bible 1901 (New Caledonia)Salamo anyi Davita. 1 ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin. 2 Anyin a e ame bi taben e hon köiö, Me otilâ hmâ e hon je di. 3 Ie at ame he ka öliâ bucen anyi Iehova? Ke ie at ame he ka tot hnyi anyin dok ae kap? 4 At thibi ae kalaöt li hnyamen, me hnyekon ae ba hnyikongon; At ame ca ogöranyâ bi hnyekon ka hnyi ûnyi ae ûnyi baû, Me ca khemanyin thoi. 5 E ame he ka kap hnahic ûnyi ga Iehova, Me hwakecin ae wisa ûnyi ge Khong at ame omelo e. 6 Wale thibi döiny tavat adre me elâm hoton e, Tavat adre me elöm u, Khongu Jekob. [Sela. 7 Je hlinginy homagöule lö, ogöranyâ thö je böbun; Ke gorany dö öbun je hlinginy hwanuma ae balua bi: Me me he ka didro Thaniny hmanenang. 8 Ie Thaniny hmanenang? Iehova at ae hwege me man, Iehova at ae hwege hnyi vat. 9 Je hlinginy homagöule lö, ogöranyâ thö je böbun; Eke, ogöranyâ thö, öbun je hlinginy hwanuma ae balua bi: Me me he ka didro Thaniny hmanenang. 10 Ie Thaniny hmanenang e? Iehova tnhan sabaoth, E thibi Thaniny hmanenang. |
maintained by the British and Foreign Bible Society
Bible Society of the South Pacific