Salamo 23 - Iaai Bible 1901 (New Caledonia)Salamo anyi Davita. 1 HABA Iehova at ame tuö helâ me at tuö mamoe, ame ca he ka ba ta ûnyi gak. 2 E ame omokuli nya hnyi hna önying ae hat: E ame su nya thö ka hnyu je wagewe ame omise. 3 E ame ohmeto hanuk: E ame su nya hnyi je gethen deny hwakecin ae wisa ûnyi ge ien. 4 Eke, oge ne vheno hnyigöulen bucen a hmenon mok, Me oge me ca he ka outen ûnyi ae kong; anyin a tha u mönya: Kʼ ame okahwö nya ânyâm utömhu me cem uci. 5 U je penapena laulau hobi könya hnyi hnyimakan je iwahnaihmiony mönya: U je hia but hû bok ge wakaco; ame babihingölö thö anyik kaia. 6 Ame he thibi so me ibetengiö ka hnu hotuk hnyi bonguk ta je bong hia: Ke oge me he bala ka laba hnyi uma umo Iehova nyiele balua. |
maintained by the British and Foreign Bible Society
Bible Society of the South Pacific