Salamo 20 - Iaai Bible 1901 (New Caledonia)

Hobi kâu at vhik khumöng. Salamo anyi Davita.

¹ E na he ju Iehova ka long köu hnyi bonginy vec; Me ogöranyi u ge ien Khongu Jekob;

² Me kunâ ûhadruo köu ûnyi hnyi dok ae kap, Me ci u ûnyi hnyi Ziona;

³ Me ûnykûme ânyâm ta je bwihlany hia. Me kap ânyâm je hut adre me le; [Sela.

⁴ Me ham köu weny hnyekom, Me ohwâdâ ânyâm je ûhnenamö hia.

⁵ Ohmun e he bi ka hobâ hnyi ûhomeli gam, Me otilâ anyihmun je boûdila hnyi ien Khongutin: E na he ju Iehova ka ohwâdâ hia hnâm je hna sumâtâ.

⁶ E khanö nya walang ang a Iehova ame omelo at waleji e ame hû; E ame he ka long kâu ûnyi hnyi anyin drany ae kap Ge hnyamen a metân ae hwege he ka omelo at.

⁷ Haba keihen adre me labageju ka ta je kariota, ke haba keihen ka ta je hors: Ke ate me he bi ka ha iö Iehova Khonguta.

⁸ Adre me nom ju me ta but: Ke ate me köûö thö me tot wisa.

⁹ Iehova lö, omelo thö: E na he ju Than ka long kohmun hnyi ûen ohmun e hongot hnyin.