Salamo 149 - Iaai Bible 1901 (New Caledonia)

¹ OGANÖ Ja thʼ öbun. Hai thö kö Iehova khumöng a teb ûnyi, Me hna ogânâ e hnyi ûkhacaköu anyin wakap.

² E so e he Isaraela ka senyin ka at a op e: E so e hobâ je laku Ziona ka Tuhödra.

³ E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

⁴ Anyin a Iehova ame senyin ka lakeiny: E ame he ka ohmanenangâ tavat ae hnyikânâ ge ûhomeli.

⁵ E so ame he wakap ka hobâ ge hmanenang: E so adre me he ka khumöng senyin hon hnödra ta je hna mokut.

⁶ E so e he ka e bi hnyi je hnyimödra hnân ogânâ hmonyin Khong, Me hnyi ta je hnyamödra hele vat a lo li homakan;

⁷ Hnân he ka bi hwaban ka ta je hnyei hia, Me bi hwaban ka tavat hia;

⁸ He ka ca ta je tuhödra ge je cen, Me anyidra je taben ge je tö a fao;

⁹ He ka ânyâ hnyi wanbödra hna owisa adre sihnalimen: Wale hna ogânâ hobi kâu anyin wakap hia thithö. Oganö Ja thʼ öbun.