Salamo 147 - Iaai Bible 1901 (New Caledonia)

¹ OGANÖ Ja thʼ öbun; Anyin ae so he ka khumöng ogânâ Khonguta; Anyin ae kese, me ûcû he ka ogânâ.

² Iehova ame op Jerusalema; E ame ûkhacakouâ hmetu at Isaraela adre obâ,

³ E ame ometo tavat ae vec hnyekudra, Me lan hnödra ta je aat.

⁴ E ame aû ta je okhû; Me hwenyi ien hia.

⁵ E gan hma Tuhöta, ke ti tren man; Ke ca hnân bi ha hnen hna wâhmakhmeto.

⁶ Iehova ame cö tavat ae hnyikânâ: E ame hagutâ hnyikânâi tavat ae kong.

⁷ Khumöng thö kö Iehova me ole; Khumöng ogânâ Khonguta ge kitara:

⁸ At ame tube drany ge ta je ûlâ, Me penapena we hobi kâu hmeledrany, Me okûâ önying hon ta je bucen.

⁹ E ame ham ka ta je meno ö ʼdra jeû, Me ka je lakou oreba ame kuku.

¹⁰ E ame ca senyin bi ka hwegien hors: E ame ca senyin ge li can at.

¹¹ Iehova ame senyin ka tavat adre me outen e, Tavat adre me gejon anyin ibetengiö.

¹² Jerusalema lö, oganö Iehova thö: Ziona lö, ogânâ thö Khongom.

¹³ Anyin a e ame hia but ohwegiâ je venyainy ta je homagöulem; E ame hia but ohnahicâ lakom hnyi wanbâm.

¹⁴ E ame ham ûsoköu hnyi je ke keihâm; E ame ounöngöti u ge hwit ae ti so.

¹⁵ E ame kunâ anyin hnanyibu ka hnyi hmeledrany; Kʼ ame wadring logot hwan hofuc.

¹⁶ E ame ham kiona helâ me leûnen mamoe; E ame jijingâ dân hau ae wahma helâ me hnabadröu.

¹⁷ E ame khûâ köien köiö ae wahma helâ me je atmen: Ie at ae khana he ka tot hnyi hnyimakan anyin megic?

¹⁸ E ame kunâ hwan hofuc me oköiö but ta je ûnyi e: E ame kunâ anyin ang he ka tûâ, me ame hingölö but ta je köiö.

¹⁹ E ame omanenâ hwan hofuc kö Jekob, Ke anyin ta je hnanyibu me hna owisa kö Isaraela.

²⁰ E ame ca ânyâ helâe ka ke hnyei: Ke haba hnen je hna owisa, me ca manen bi kodra. Oganö Ja thʼ öbun.