Salamo 14 - Iaai Bible 1901 (New Caledonia)Hobi kâu at vhik khumöng. Salamo anyi Davita. 1 HAINGEN at ae monu eû hnyi hnyekon, ka habe, E ba Khong. Odra bo kong, adre me ânyâ ta je huliwa ae ikiki; E ba at ame mâdrâ so. 2 Iehova ame bwele jem ethö hnyi drany ka wâ lakon at, Me me wâ thö, hawa, e hu at ame wâ ûnykûme, A at ame elâm Khong. 3 Odra hia adre me saû; kʼ adre me tha kong ut; E ba at ame mâdrâ so, e ba hmonyin me khaca. 4 Hawa, e ba hnyekudra tavat hia adre ânyâ hulö? A tavat adre me an lakeik helâke me hna an jeû, Kʼ adre me ca hongot bi kö Iehova. 5 Haba hnyi dok eling adre me ot gan hmâ: Anyin a e Khong unyin tavat ae wisa. 6 Öbun e ohmehma ûhnenamö anyin tavat adre me vec, Anyin a Iehova bi hnen hna lubaduöng. 7 E na he ju möt kö Isaraela ûheny Ziona! E ka be Iehova ka ohmeto lakeiny ûhedra hnyi hnabâ. Me ame he Jekob ka senyin, kʼ ame he Isaraela ka hobâ. |
maintained by the British and Foreign Bible Society
Bible Society of the South Pacific