Salamo 137 - Iaai Bible 1901 (New Caledonia)

¹ HABA hnyi je wagewe hnyi Babulona, Me ate me laba ju eling, eke kʼ ate me tenge, Ota ate me ûnykûme Ziona.

² Ate me uhno anyita je kitara Hnyi je ûö garaba hnyi wanben e.

³ Anyin a tavat adre hwenböta ödrin e kunʼ öta eling he ka khumöng, Ke tavat sedʼ öta adre me kunʼ ota he ka senyin, haingödra, ka habe, Hai thö kohmun ke khumönginy Ziona.

⁴ Öhmun e he ka kâmâû ka hai khumöng anyi Iehova. Hnyi ke hnyei bi?

⁵ Jerusalema lö, oge ne he bi ka hny ing u, Me so e he hnyamok a metök ka hnying metâiny.

⁶ E so e he ka kece bohmök ka hnyi ecngödik, Oge ne ca ûnykûmi u; Ke oge ne ca ogöranyi Jerusalema, Hon anyik je senyin hia.

⁷ Iehova lö, ûnykûme ju ka laku Edoma Ge bong bongon Jerusalema; Waleji adre me ha, ka habe, Thö degecâ but, thö degecâ but, Ke ne o but ka hnyi taben.

⁸ Hlu nöku Babulona lö, adre me he ka ohiö u, Ame he ka hnahic ut at ame bi hwaban köu, Hnâm hna ânyâ kohmun.

⁹ Ame he ka hnahic at ame kât me sa degecâ lakom ta je inma Hnyei ge kic.