Salamo 135 - Iaai Bible 1901 (New Caledonia)

¹ OGANÖ Ja thʼ öbun. Oganâ thö iö Iehova; Öbun lathnyabai Iehova lö, ogânâ e:

² Öbun tavat öbun e labö tot hnyi uma umo Iehova, Hnyi je hnyeuleny uma umen Khonguta.

³ Oganö Ja thʼ öbun; anyin ae so Iehova: Khumöng ogânâ thö ien; anyin ae so e.

⁴ Anyin a Ja ame hia but ûcû Jekob hnân hobi kâu, Me Isaraela hnân tang omjehen ae ûnyi hnathu.

⁵ Anyin ae khanö nya a e gan hmi Iehova, Kʼ ame beönua Tuhöta hon ta je khong hia.

⁶ Haba ta je ûnyi hia ame we Iehova, me ame hia but ânyâ, Hnyi drany ethö, me hmeledrany, me eû hnyi köiö, me je dok hia ae dit.

⁷ E ame öliâ thö hai ûnyi hnyi je can hmeledrany; E ame bi hucuce hobi kâu we; E ame hom but ang ûnyi hnyi tang omjehen.

⁸ Waleji at ame kot watö hnyi Aigupito, Tavat me omeno.

⁹ Aigupito lö, e ame kunâ köu ta je haten, me ta je ûnyi hnân lâiâ, Hu Farao, me lathnyabainy hia thithö.

¹⁰ Waleji at ame kot ta je hnyei ae se hia, Me hlingâ ta je than ae man;

¹¹ Wale Sihona tuhan at Amora, Me Oga tuhan Basana, Me je dokhu hia hnyi Kanana:

¹² Me ham but idra hnyei hnân hwajekhoû, Hwajekhon Isaraela a lakeiny.

¹³ Iehova lö, ke ne o but nyiele balua iâm; Iehova lö, ke ne o but hnyi ta je dö hia hna ûnykûmi u.

¹⁴ Anyin ame he Iehova ka owisa lakeiny, Me ietra ge lathnyabainy.

¹⁵ Haba ta je idola anyin ta je hnyei me sileva me gol, A huliwan ta je hnyamen at.

¹⁶ E hu hnyimödra, kʼ adre me ca fuc bi; E hu li emaködra, kʼ adre me ca wâ bi;

¹⁷ E hu li hnyikönyödra, kʼ adre me ca long bi; Ke ba homenâ hnyi je hnyimödra.

¹⁸ Ame he tavat adre up ödra ka helâ mödra; Eke, tavat hia adre me labageju kodra.

¹⁹ Lap anyi Isaraela lö, oganö Iehova thʼ öbun: Lap anyi Arona lö, oganö Iehova thʼ öbun:

²⁰ Lap anyi Levi lö, oganö Iehova thʼ öbun: Öbun tavat öbun e outö Iehova lö, oganö Iehova thʼ öbun.

²¹ E so adre haisoi Iehova ûheny Ziona, At ame laba hnyi Jerusalema. Oganö Ja thʼ öbun.