Salamo 132 - Iaai Bible 1901 (New Caledonia)

Khumöng ölö.

¹ IEHOVA lö, ûnykûme ju kö Davita Anyin ta je vec hia;

² A gʼ ame khemanyin kö Iehova, Me bi khöbi ka Mani Jekob:

³ E hnathu oge me ca he ka dit ka hnyi uma menâ a umök uma, Me ölö ka hnyi hon hnok hna mokut;

⁴ Oge me ca he ka hna li emakök he ka mokut, Me li bademakök he ka ta mokut;

⁵ Ke ne o but oge me he ka wâ dok hobi kö Iehova, Wale uma menâ hobi kâu Mani Jekob.

⁶ Wâ bi ate me long ûnyi eling hnyi Eferatha: Ate me wâ but e hnyi ta hnyei hnyi hnyot.

⁷ Ota he ka dit ka hnyi umen je uma menâ; Ate me he ka khudrung ka hnyi taben li hnyeûcan.

⁸ Iehova lö, todrö ka hnyi dok u je menâ hnyin, U, me tangen manâm man.

⁹ E so e khavâ hwakecin ae wisa hnen tavat bi hut köu, Ke so ame khumöng senyin hnen ânyâm wakap.

¹⁰ Ca wia degecâ bi hnyimakan at u je hû. Can athnyabaem a Davita.

¹¹ Ahia but Iehova khemanyin kö Davita hnyi hnathu; E ame ca he ka hwio gan, ka habe, Ûnyi hnyi mâtrân unyâm oge me he ka otilâ hon ânyâm theron.

¹² Ame ne he lakom ka vheno anyik ûhihinyköu, Me je ûnyi hnân ohnathu nya wale oge me he ka nʼ ödra gan, Awe, ame he balua ta je lakudra ka tabâ ânyâm theron.

¹³ Anyin a hia but Iehova ûca Ziona; E ame weny e hnân hnyaban.

¹⁴ Wale thibi e hnok hna menâ nyiele balua: Oge me he ka labâ e; anyin oge wek e.

¹⁵ Oge me he ka ti ohnahicâ jeûiny: Oge me he ka osekunâ ge jeû ta je aten ae ba ta ûnyi.

¹⁶ Oge me he ka khavâ minya anyin tavat bihut ge ûhomeli: Kʼ ame he anyin wakap ka khumöng senyin.

¹⁷ Oge me he ka vhong eling faoiny meno anyi Davita: Oge hia but penapena lamepa hobi kâu hnok hna hû.

¹⁸ Oge me he ka khavâ ta je iwahnaihmiöny mē ga hmehma: Kʼ ame he ka khulelau hon e anyin korona.