Salamo 130 - Iaai Bible 1901 (New Caledonia)Khumöng ölö. 1 IEHOVA lö, inya oge me hia but hongot köu ûnyi hnyi je dok ae dit. 2 Than lö, long ju ifucik: E so u ma tevehlöng Hok ta je hwatenge. 3 Ja a Than lö, u je ne he ka bi haten je hulo, Ie at ame he ka tot? 4 Ke u thibi at ame thang degecâ, Mʼ adre me he ka outö u. 5 Inya oge me halubahing Iehova, ame ûlubahing hanuk, Ke inya oge me gejon hwan hofuc. 6 Ame halubahingen Than hnen hanuk, E nua hon tavat tue adre me boulany; Eke, hon tavat tue adre me boulany. 7 Isaraela lö, geju Iehova ju; Anyin ae unyi Iehova ibetengiö, Ke gan hmâ ûhomeli unyin. 8 Ke e ame he ka omeli Isaraela Ûnyi hnyi anyin ta je monu hia thithö. |
maintained by the British and Foreign Bible Society
Bible Society of the South Pacific