Salamo 13 - Iaai Bible 1901 (New Caledonia)

Hobi kâu at vhik khumöng. Salamo anyi Davita.

¹ IEHOVA lö, u me he ka hnying nya ke ne o but kehö? ke ne o but nyiele balua? U me he ka ikhâlâ hnyimâkâm gak ke ne o but kehö?

² Ke ne o but kehö oge me he ka ûhnenamö eû hnyi hanuk, Me hmak ut hnyekuk hnyi lany hia? Ke ne o but kehö ame he iwahnaihmiony mönya ka beönua huk?

³ Iehova lö, Khonguk, ûnykûmi nya me ling nya: Omelamâ li emakök, wâ oge nye mokut me mokcu;

⁴ Wâ e nye he iwahnaihmiony mönya ka ha, ka habe, A tuk ut hon; Ke wâ e nye he tavat adre me oveci nya ka senyin iny ka bwebwet.

⁵ Ke oge hia but labageju hnyi ânyâm ibetengiö, Ame he hnyekuk ka senyinâ ânyâm ûhomeli:

⁶ Oge me he ka khumöng kö Iehova, Anyin a e ama hia but betenge gan hmâ könya.