Salamo 124 - Iaai Bible 1901 (New Caledonia)

Khumöng ölö; anyi Davita.

¹ E SO ame he Isaraela ka ha, ka habe Ame ne ca tha hiö Iehova möta;

² A ne ca Iehova bi at ame tha hien möta, Hnyi ûen waleji ame todrö köta tavat:

³ Awe, ma hia but utʼ öta kʼ öta tiga möt bi. Waleji hnyi iubâhlâiny hmonyin anyin tavat köta.

⁴ Ma hia but hûlûlûʼ öta hnen ta je köiö, Me khutukhaûâ je hanuta hnen di:

⁵ A ne helâe me a hia but khutukhaûâ ta je hanuta ge ta je köiö ae bi gan.

⁶ Haisoi Iehova thö, Wale at ame ca hnʼ öta ka ta je nyudra me hnân han.

⁷ A möt ut hanuta helâ me meno ame gâ unyi hnyi hnewe anyin tavat töu hnewe: A mou thö hnewe, mʼ ate me möt ut.

⁸ Haba iö Iehova ame hadruʼ öta, At ame op drany me hmeledrany.