Salamo 110 - Iaai Bible 1901 (New Caledonia)

Salamo anyi Davita.

¹ HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

² Ame he Iehova ka kunâ uciny tang hwegiâm ûheny Ziona: U ma muso bi hnyi wanben ta je iwahnaihmiöny möu.

³ Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

⁴ Iehova a hia but khemanyin, kʼ ame ca he bi ka ietra, ka habe, U thibi at bihut nyiele balua helâ me hwakeci Melekisedek.

⁵ Haba Than hnyi hnyamâm a metâm, Ame he ka kot muâ ta je than hnyi bonginy anyin hmönyin.

⁶ E ame he ka owisa hnyi wanben ta je hnyei, E ame he ka öunöngötâ ta je dok ge je komok; E ame he ka kot muâ ban ta je hnyei ae se.

⁷ E ame he ka ijem wagewe eû hnyi gethen: Anyin a wale, e ame he ka ogöranyâ ban.