Salamo 107 - Iaai Bible 1901 (New Caledonia)

TUSI V.

¹ OLEÂ ju kö Iehova; anyin ae at ae so: Anyin a nyiele balua anyin betenge.

² E so he ka ha helâe tavat a omeli ödra Iehova, Waleji e ame omelo ûnyi hnyi hnyamen iwahnaihmiöny;

³ Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

⁴ Adre me ngenu monu hnyi hnyebuba ae ba getheniny; Adre me ca wâ taun hnân labâ.

⁵ Adre me mekihnânem me beic, Me e hlohlo ta je hanudra eû hnyidra.

⁶ Me adre me tenge kö Iehova hnyi anyidra hloûhloû, Me e ame omeli ödra ûnyi hnyi anyidra ta je vec.

⁷ E ame su ödra minya eû hnyi gethen ae wisa, Mʼ adre me he ka he ka hnyi taun hnân labā.

⁸ E na he ju tavat ka oleâ kö Iehova can anyin betenge, Me anyin ta je huliwa hnân lâiâ gan ka lakon tavat!

⁹ Anyin a e ame osekunâ hanon at ame behu, Me öunöngötâ ge so hanon at ae mekihnânem.

¹⁰ Haba tavat adre me laba hnyi menekholom me hmenon mok, Wale adre me cʼ ödra hnen vec me fao;

¹¹ Anyin adre me hna degecâ hofuc hwan Khong, Ke hmiödra ta je hofuc ho Beönua:

¹² Anyin a wale e ame hom ûhnyûkongoâ je hnyekudra ge vec; Adre me ta but ke ba at he ka ûhadruo.

¹³ Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta jo vec.

¹⁴ E ame hum ödra ûnyi hnyi menekholom me hmenon mok, Me thu je hna cʼ ödra.

¹⁵ E na be ju tavat ka oleâ kö Iehova can anyin betenge, Me can anyin ta je huliwa hnân lâiâ gan ka lakon tavat!

¹⁶ Anyin a e ame hia but thu je homagöule bras, Me subâ degecâ ta je venyâ fao.

¹⁷ Adre me ovecâ tavat ae monu can hnödra hna hanyâûâ, Me can anyidra ta je monu.

¹⁸ Haba hanudra ame höciâ ta je jeû hia thithö; Kʼ adre me hakekeny ka hnyi homagouleny mok.

¹⁹ Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta je vec.

²⁰ E ame kunâ hwan hofuc, me ohmetu ödra, Me omeli ödra ûnyi hnyi anyidra ta je thop.

²¹ E na he ju tavat ka oleâ kö Iehova can anyin betenge, Me can anyin ta je huliwa hnân lâiâ gan ka lakon tavat!

²² Ke so adre me he ka hudo je hudiny ole, Me ha anyin ta je huliwa me khumöngö.

²³ Haba tavat adre me utut ka hnyi ta je hu hnyi köiö, Wale adre me bi huliwa hnyi köiö ae gan:

²⁴ Me adre me wâ ta je huliwa anyi Iehova, Me anyin ta je huliwa hnân lâiâ gan hnyi dok ae dit.

²⁵ Anyin a e ame hûna, me okûâ ang ae hwege, Wale ame vhik dö ta je waköiö.

²⁶ Ame ölö thö goranyai, me ut hnyikânâi ka hnyi dok ae dit: Ke ame köiö but ta je hanudra ge vec.

²⁷ Adre me thöthö me hwalihwali helâ me at ame monu ge grâg, Ke monumonu hia anyidra metâ.

²⁸ Ke adre me tenge kö Iehova hnyi anyi dra hloûhloû, Me e ame hum ödra but ûnyi hnyi anyidra ta je vec.

²⁹ E ame wia thö weneû me me ta but hau, Me ame hnyibi ju ta je waköiö.

³⁰ Ke adre me senyin anyin a ta but hau kodra; Me e ame su ödra ka hnyi wasaû adre bekec ka hnyin.

³¹ E na he ju tavat he ka oleâ kö Iehova can anyin betenge. Me can anyin ta je huliwa hnân lâiâ gan ka lakon tavat!

³² E so minya adre me he ka ogöranyâ e hnyi ûkhacaköu anyin tavat, Me ogânâ e hnyi taben lap anyin wahingat.

³³ E ame wia ta je wagewe me me hnyebuba but, Me je pupuainy köiö me me kânâ ae mada;

³⁴ Me kânâ ae wa me me hnyebubainy sâlt, Can hulo anyin tavat adre me labâ e.

³⁵ E ame wia hnyebuba me me an, Me kânâ ae mada me me je pupuainy köiö.

³⁶ Ke e ame olaba eling tavat ae mekihnânem, Mʼ adre me he ka penapena taun hnân labâ;

³⁷ Me belökâ ta hnyei, me tä ta je vine, Me hom bi hobi kodra troban.

³⁸ E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

³⁹ Ke hnyi ke ûen adre me owakhaletâ me ohnyikönʼ ödra hmetu, Can hna okongoâ, me vec, me tenge.

⁴⁰ E ame hingâlâ hna hûkotiâ ka hnyi hon ta je tuhan, Me kunʼ ödra he ka he monu hnyi hnyebuba ae ba getheniny.

⁴¹ Ke so bi e ame ogöranyâ at ae vec ûnyi hnyi vec, Me osehiâ anyin lap helâ me hnahat mamoe.

⁴² Ame he tavat ae wisa ka wâ e me senyin; Kʼ ame he hia hulo ka kât hnyimen bi.

⁴³ Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.