Salamo 105 - Iaai Bible 1901 (New Caledonia)

¹ OLEÂ thö kö Iehova, hawâ thö ien: Omanenâ thö hnyi wanben ta je hnyei anyin ta je huliwa.

² Khumöng dö kâu, khumöng ogânâ e; Uhnenamö ju öbun ge anyin ta je huliwa hnân lâiâ hia.

³ Ohobeluâ thö hnyi ien ae kap: E so ame he hnyekon tavat adre me elöm Iehova ka hobâ,

⁴ Elöm Iehova thö me hwegien: Elâm balu thö hnyimakan.

⁵ Ûnykûme ju ta je ûnyi hnân lâiâ waleji e ame hia but ânyâ; Anyin ta je ûöman, me ta je hna owisa hnen hnyimen;

⁶ Öbun ta je mâtrâni Aberahama a athnyabainy, Öbun je mâtrâni Jekob wale tavat a ûca.

⁷ E thibi Iehova a Khonguta: E but hnyi hmeledrany hia hnen ta je hna owisa.

⁸ E ame hia but ûnykûme bala anyin ûhihinyköu, Waleji hofuc e ame hûna ka ta je dö a khaca thauzan,

⁹ Waleji e ame ohmâ kö Aberahama, Me hnen hna khemanyin kö Isaaka;

¹⁰ E ame otethmâ kö Jekob me hnân hnanyibu, Kö Isaraela hnân ûhihinyköu a nyiele balua:

¹¹ Haingen, ka habe, Oge me he ka ham köu hnyei Kanana, Wale hna ugleköp a hwajekhöubun:

¹² Waleji ae tiga wakhalet tavat; Eke, adre ti wakhalet, me je atkanyua bi hnyin;

¹³ Me adre me ngenu ûhedra hnyi ke hnyei ka hnyi ke hnyei, Ûhedra hnyi ke dokhu ka hnyi ke hnyei.

¹⁴ E ame ca hna ke at he ka okongu ödra; Eke, e ame thawâ ta je than gadra;

¹⁵ Haingen, ka habe, Ca he ka kâlâ hnok ta je hna hû, Ke ca okongo anyik ta je perofeta.

¹⁶ Ke e ame hawâ hmiâ ka hnyi hnyei; E ame thu uciny jeû hia thithö

¹⁷ E ame kunâ bânâ at; Wale Josefa at adre ûco me me athnyaba:

¹⁸ Adre me ovecâ li can ge fao ûceat; Kʼ adre me ca e ge cen a fao:

¹⁹ Ke ne o but ûen adre me ohwâdâ hwan hofuc: Haba hofuc ho Iehova ame cubec e.

²⁰ Haba than ame ûkhûnöng he ka thang e; Waleji at ame muso ta je hnyei, me hna baûâ but e.

²¹ E ame otilâ e hnân tuhan hnyaban, He ka muso tang omjehen hia:

²² He ka ca je taben hoton weny, Me ometâ wahingatiny.

²³ Kʼ ame o but minya Isaraela hnyi Aigupito; Haba Jekob ame laba atkanyua hnyi hnyei i Hama.

²⁴ Me e ame ti osehia lakeiny, Me ohwegi ödra hon ta je iwahnaihmiöny mödra.

²⁵ E ame wia hnyekudra he ka hûkotiâ lakeiny, He ka iyawâ lathnyabainy.

²⁶ E ame kunö Mose a athnyabainy, Me Arona wale hnen hna ûca.

²⁷ Ödru me omanenâ hnyiwanbödra anyin ta je baten, Me ta je ûnyi hnân lâiâ hnyi hnyei i Hama.

²⁸ E ame kunâ lit, me ame menekholom but; Ke ödru me ca hna degecâ hwan hofuc.

²⁹ E ame wia belidra je an me me dra, Me hlingö haledra ta je wâ.

³⁰ A öunöngötâ idra hnyei ge ta je rama, Wale hnyi je hnyeuleny latuhödra.

³¹ E ame ba, me ame o but ta je nöng, Me je outo hnyi idra hnyei hia.

³² E ame ham kodra we ae wahma me hwaban we, Me meic ame ubâhlâ hnyi idra hnyei.

³³ E ame kot minya haledra ta je vine, me haledra te je imeta; Me thu omomono ta je ûö hnyi idra hnyei hia.

³⁴ E ame ha, me ame o but ta je wahamon, Me ta je wanyilö ke ca hnân bi aû,

³⁵ Me adre me an hia ta je khölakiny idra hnyei Me an minya troban ta idra.

³⁶ E ame kot minya ta je lakudra a bân hia thithö hnyi idra hnyei, Je wan a bân hwegiödra hia.

³⁷ Ke e ame hum ödra but me sileva me gol: Ke ba ke at ae sënyin ge anyidra ta je tribu.

³⁸ Ame senyin Aigupito hnyi ûen adre he but; Anyin ame hia but ta hudra hna outʼ ödra.

³⁹ E ame ulolo ûlâ hnân tube, Me meic he ka hûnû ödra hnyi hnyinghet.

⁴⁰ Adre me sumat me e ame oâ ta je jûö, Me sekudra ge jeû ûnyi hnyi drany.

⁴¹ E ame khong ut kic, me ame badedö but köiö; Me di ka hnyi je dok ae atgec helâ me wagewe.

⁴² Anyin a e ame ûnykûme hwan hofuc ae kap, Me Aberahama athnyabainy.

⁴³ Me e ame hom but lakeiny me senyin, Me tavat e ame ûca me hobâ.

⁴⁴ Me e ame ham kodra ta je hnyei iny aten ke je hnyei; Mʼ adre me he ka hu hobi kodra bi huliwa hnen aten ke je hnyei:

⁴⁵ Mʼ adre me he ka vheno hnen ta je hna otilâ, Me long hoton anyin ta je hnanyibu. Oganö Ja thʼ öbun.