Mika 4 - Iaai Bible 1901 (New Caledonia)

¹ KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

² Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

³ Ke e ame he ka owisa ka ta je hnyei ae se hia, me fuc ka je hnyei ae hwege hnyi je dok ae sâkâû; ke adre me he ka kokot anyidra je hele vat me me hnân bi hwio kânâ, ke dödra je ö hnân hele subö vine: ame ca he ke hnyei ka hai hele vat ka ke hnyei, ke adre me ca he hmetu ka ûnö vat.

⁴ Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

⁵ Anyin a tavat adre me ve he hnyi ien ta je khongudrin, ke ate me he bi öta ka he hnyi iö Iehova Khonguta nyiele nyiele balua.

⁶ Hnyi bong eling, haingo Iehova, oge me he ka ûkhacaköuâ tavat adre me he ci, ke oge me he ka ûkhöûnâ at adre obâ, me at oge hia but ovecâ;

⁷ ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

⁸ Ke haba u tap tue anyin hnahat mamoe, hut anyin hluiny Ziona me ame he ka o köu; eke, ame he ka o musi a bân, wale dokhu dokhon hluiny Jerusalema.

⁹ Ieû ang a u me kuku goranyai? E ba than hnyi wanbâm? a mokcu at ame bi hnyimâm, anyin ame khöû u hnen vec helâ me momo ame vec hnyekon?

¹⁰ Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

¹¹ Ke walang ang ame ûkhacaköu je hnyei ae se ûcom, ke haingodra, ka habe, E so e ame kong bi, e so ate me wâ weta ka Ziona ge je emaköta.

¹² Ke ca khanʼ ödra je ûnykûmenö Iehova, kʼ adre me ca wâ ûnykûme anyin musi: anyin a e ame ûkhacaköu ödra helâ me je thi hwit ka hnyi hna huje hwit.

¹³ Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.