Jobu 35 - Iaai Bible 1901 (New Caledonia)

¹ KE Elihu bala ame thu me ha, ka habe,

² Hawa, u me ûnykûme ae wisa ang, Haingâm, ke habe, Iny wisa hon Khong,

³ Mʼ u me ha, ka habe, Ieû troban köu? Ke ieû troban könya hon hnok hna ânyâ hulö?

⁴ Oge me he ka thu köu, Me je lahanâm unyâm.

⁵ Bwele thö ka hnyi drany me wâ; Ke wâ bi je ûlâ ae gorany hom.

⁶ U je ne hia but ânyâ hulö, ieû hnâm hna ânyâ kâu? Ke ame ne se hia hnâm je hna hanyâûâ, ieû e u me ânyâ kâu?

⁷ U je ne at ae wisa hwakecin, ie ûnyi e u me ham kâu? Ke ieû e ame kap ûnyi hnyi hnyamâm?

⁸ E khana ânyâm monu ka okongo tavat ae ûcû möu; Ke e khana ânyâm hwakecin ae wisa he ka osoâ tavat.

⁹ Tavat adre me tenge ge je ûokonguny ae se hia; Adre me khöû ge benyin tavat ae hwege.

¹⁰ Ke ba at ame ha, ka habe, Ewa Khong at a up nya, At ame ham je khumöng hnyi hnyi nghet;

¹¹ At ame nʼ ota hon omenoiny kânâ, Me ometʼ ota hon je meno ame gâ?

¹² Adre me tenge eling, ke ba at ame thu, Can bi gan anyin tavat ae kong.

¹³ E hnathu ame ca he Khong ka long hofuc baû, Kʼ ame ca he Ataekhanahia ka oûnyihnatho e,

¹⁴ Ke ti ca ûcû eling, u je ne ha, ka habe, u je ca wâ e, E bi hna owisa unyin, ke u je halubahingen!

¹⁵ Ke walang ang, anyin a e ame ca hia but senâ hnyi anyin hmonyin, Ke e ame ti wâ hmâ bi gan;

¹⁶ Anyin a wale, haba Jobu ame fuc baû: E ame osehia je hofuc ke ba wâhmakhmeto.