Jobu 14 - Iaai Bible 1901 (New Caledonia)

¹ HABA at a hnokoâ hnen momo Me wakhalet thibi je bongon, me unöngöt ge hlohlo.

² E ame o but helâ me vongon, me adre me subâ but: E ame he helâ me hmenon, kʼ ame ca tethmâ bi.

³ Ke hawa, u me bwela ka at a helâe, Me hawo nya he ka ûhnei möu?

⁴ Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.

⁵ Anyin adre hia but omuâ anyin je bong, e unyâm ûseiny je tehiny, Me u je hia but bi hnyigöulen e, me e ame ca he ka hanyâûâ;

⁶ Hwio thö gan, me me menâ ju, Ke ne o but e ame he ka ohwâdâ bongon bong, helâ me athnyaba ame hok hwaban.

⁷ Anyin ae hu geju ka ûö adre sö, a e ame he ka kû hmetu, Kʼ ame ca he ka ba je khûen.

⁸ Eja ke ne ka kueny ju wân eû hnyi kânâ, Ke a bobot dö hnyiban eû hnyi kânâ;

⁹ Ke ame he ka kû hmetu e ka long köiö, Me khû helâ me ûö adre teb ta.

¹⁰ Ke haba at ame mokcu, me aû but: Eke, ame mokcu at, me ewa hmetu?

¹¹ A hme thö je köien köiö ae gan, Kʼ ame kong ut je wagewe, me hme thö;

¹² Helâe minya at, e ame mokut, kʼ ame ca höhöi hmetu: E ame ca he ka hmak ke ne o but ame hia but drany, Kʼ adre me ca he ka bwebwelâ hnyi hnen hna mokut.

¹³ U na he ju ka ikhölö nya hnyi erkemok, Ke oiyongi nya ke ne o but ame hia ânyâm hmonyin, U na he ju ka thu bonguk, me ûnykûme könya!

¹⁴ Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

¹⁵ U ma he ka hongot, me oge me he bi nya ka ieû koa: U ma he ka hnyok ka huliwa anyin li hnyamâm.

¹⁶ Ke u je aû walang ang hnok je hna, okca: Hawa, u je ca tuö wia anyik hulö?

¹⁷ Adre me okeceâ hmâ hnök je hna hanyâûâ hnyin tang, Ke u me thelö anyik monu.

¹⁸ E hnathu ame ü but bucen me hia but, Kʼ adre me oc ut kic ûnyi hnyi hnen.

¹⁹ Ame aû tot je veto ge köiö; Ke haba babihingölöiny ame kot degecâ kânâiny hmeledrany: Ke u je ohia hna gejon hnen at.

²⁰ U je tom bi, me ame hia but; U je wia hnyimakan, me obâ.

²¹ Adre me ogânâ lakon, ke e ame ca wâ bi; Adre me hom ûhnyûkongu ödrin, ke e ca khana bi.

²² Ke ame ka vec thibi unyin, Kʼ ame tenge hnyekon bi, kâ ûnyi gan.