I. Thesalonika 2 - Iaai Bible 1901 (New Caledonia)

¹ ANYIN ae khanʼ öbun hnyat me lakeiny ioihmun köbun, ae ca ûnyi baû bi:

² ke adre hodra ka oveci öhmun me okongu öhmun hnyi Filipi, wale ae khanʼ öbun, ke Öhmun e hnyok hwege ûnyi ge Khong he ka ha köbun ûthumetu ae so anyin Khong me vec ae gan hmâ.

³ Anyin a haba hnöhmun hna nʼ öbun, me ca ûnyi hnyi monu bi, ke ca ûnyi hnyi hwakecin ae ikiki, ke ca ûnyi hnyi iyâwo:

⁴ ke so bi öhmun e fuc helâ me hnen Khong hna ûcʼ öhmun me hna but kohmun ûthumetu ae so; ca hnân bi osenyinâ at, ke so bi Khong at ame cnbec je hnyekuhmun.

⁵ Ke adre me ca ō ʼhmun bala a öhmun e ha hofuc ûtakû, e khanʼ öbun e, ke öhmun e ca huliwa hnyi behu, Khong ame ohnathoâ;

⁶ ke öhmun e ca elâm hnân ogânâ ûnyi ge at, ke ca ûnyi gabun, ke ca ûnyi ge keihen, ke so bi e khanʼ öhmun he ka ohmaki öbun, anyin a öhmun je aposetolo anyin Keriso.

⁷ Ke öhmun e menyik hnyi wanböbun, helâ me at ame ûasin ame hat lakon:

⁸ helâe minya öhmun e betenge gan hmâ gabun, me me so kohmun he ka ham köbun ca ûthumetu ae so thibi anyin Khong, ke anyihmun minya bi möt, anyin a öhmun e ti hnyoki öbun.

⁹ Ke öbun hnyat me lakeiny öbun e ûnykûme anyihmun huliwa ae mak me vec; öhmun e huliwa hnyi lany me lit, mʼ öhmun e ca he ka ohmâkâ ke at gabun, öhmun e khetâ ûthumetu ae so anyin Khong köbun.

¹⁰ Öbun hnyat ohnatho, me Khong minya, a öhmun e ânyâ hwakecin ae kap, me wisa, me ba hnyikongon köbun tavat labageju:

¹¹ e khanʼ öbun hnöhmun hna ve nʼ öbun, me sihwegi öbun, me unö, helâ me kamen ka lakon,

¹² mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

¹³ Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

¹⁴ Anyin a öbun hnyat me lakeiny, öbun e ûcûcûbongoâ ta je ekalesia anyin Khong hnyi Juda unyin Keriso Iesu: anyin a öbun e hnyi vec minya hnyi ta je ûnyi e ûnyi ge je lahanöbun, helâ me tavat ûnyi ge at Juda;

¹⁵ waleji a tavat adre me hlingâ Than Iesu, me ta je perofeta, me obʼ öhmun, kʼ adre me ca osenyinâ Khong, ke ödra je iwahnaihmiony me tavat hia thithö;

¹⁶ kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

¹⁷ Hnyat me lakeiny lö, a hiʼ öhmun unyibun hnyi ûen ae okhulit, hnyi unyin, ke ca hnyi hnyok, öhmun e ti weny gan hmâ he ka iouny mʼ öbun:

¹⁸ anyin öhmun e behe köbun, inya Paulo, a okhaca me olo; ke ame ovheli öhmun Satana.

¹⁹ Anyin a ieû anyihmun geju, me senyin, me koronainy hobelöûî Ca öbun bi hnyi hnyimakan Tuhöta Iesu hnyi ûen e ame he ka manen hmetu?

²⁰ Anyin a öbun ang hnöhmun hna hobelöû, me hnöhmun hna senyin.