I. Korinito 4 - Iaai Bible 1901 (New Caledonia)

¹ E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong.

² Ke haba khaca, hamen tavat walang adre me tuö omjeû he ka ve hnathu.

³ Ke ûnyi ae hâhâ hmonyin könya öbun ka he ka owisö nya bi, me hna owisa hnen at: eke, inya oge me ca ka owisö nya bi.

⁴ Anyin ae ca khanö nya bi monu gak; ke so bi e ca hnân hai-wisö nya ûnyi e: ke Than bi at ame owisö nya.

⁵ Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

⁶ Hnyat me lakeiny lö, oge hia but oûco ta je ûnyi e könya me Apolo hobi köbun; mʼ öbun e he ka nâ ûnyi gahmu he ka ca onua bi ta je ûnyi adre sihnalimen: me me ca he ka bi gan ke at gabun ka ke at hon ke at.

⁷ Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham?

⁸ E sekubun dut walang ang, öbun e tren omjeû walang ang, öbun e bi than ke hiʼ ohmun: e na hnathu ju bi than a öbun, möhmun e he minya ka hnyi than unyibun.

⁹ Anyin a oge me ûnykûme, a biliny Khong ka otilʼ ohmun je aposetolo, helâke me hnân he ka mok: anyin adre wiʼ ohmun me hnân ûnyi mat a wânen hmeledrany, me ta je angela, me tavat.

¹⁰ Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû.

¹¹ Ke ne o but awa ang ohmun e mekihnânem, me beic, me he thu, me hna khaû, ke ba dok ohmun e laba hmâ hnyin;

¹² ke ohmun e labö huliwa, me ânyâ huliwa ge je hing hnyamöhmun: adre me û ohmun, ke ohmun e hahnahicâ; adre me sedʼ ohmun, ke ohmun e hokhnyok;

¹³ adre me haikongu ohmun, ke ohmun e khöû: adre me oûcû ohmun me ta je ûnyi ae ikiki hnyi hmeledrany, me tiren ta je ûnyi hia ke ne o but hnyi bong ang.

¹⁴ Oge me ca sit ta je ûnyi e he ka ohmehmʼ öbun, ke so bi he ka nʼ öbun helâ me lakuk a oûnykûmik.

¹⁵ Anyin a eja ke ne a ne ten thauzan tavat adre me nʼ öbun unyi Keriso, me ca se hia lakamöbun: anyin a oge me hnöku öbun hnyi Iesu Keriso deny ûthumetu ae so.

¹⁶ Anyin a wale, oge me sumat öbun he ka ûcûcubingi nya.

¹⁷ Can e oge hia but kunö Timotheo köbun, wale nokuk, a oûnykûmik ke at ae hnathu ka Than, ke e ame he ka oûnykûmi öbun ge je hwakecik hnyi huliwa anyin Keriso, helâ me oge me nâ je ekalesia hnyi je dok hia.

¹⁸ E bi gan dut keihen gabun helâke oge me ca he ka o köbun.

¹⁹ Ke oge me he ka ie o köbun e ka weny Than; ke oge me ca he bi nya ka long ifucin tavat adre me bi gan, ke hake thibi man.

²⁰ Anyin a ca e bi dokhu dokhon Khong hnyi hofuc, ke so bi hnyi man.

²¹ Ieû webun? hawa, oge me he ka o köbun me osö, hawa, hnyi ibetengiö me hnyok ae menyik î