Isaia 30 - Iaai Bible 1901 (New Caledonia)

¹ EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

² tavat adre me he but he ka he Aigupito ai, me ca elâm bi unyik; he ka ohwegi ödra ge tang hwegiö Farao, me labageju ka hmenon Aigupito!

³ Anyin a wale ame he tang hwegiö Farao ka hnân ohmehmai öbun, ke haba hna labageju ka hmenon Aigupito ame he ka hnân ohmaki öbun.

⁴ Anyin a e hnyi Zoana je tuhan, ke ame o but hnyi Hanes anyin ta je ûthumetu.

⁵ Ödra hia thithö adre me he ka hihmehma tavat ae ba troban kodra, ke ca hnân ûhadruo me troban, ke hnân hmehma me haikongoâ minya.

⁶ Hok honen je meno hnyi Hwaiöu. Adre me he hnyi wanben hnyei ae vec me hlöuhlöu, wale ame o ûnyi hnyin liona momo me liona, vaipa me on ae hiâ ame gâ, adre me hom je omjehedra hnyi hon jon je asina, me tang omjehedra hon je jon ae khibi ge je kamela, ka tavat adre me ca he ka bi troban kodra.

⁷ Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

⁸ Ke haba walang ang he thö, sihnalimen ju e hnyi taben hnyi hnyimakodra, me sihnalimen ju e hnyi tusi, me me e bi hnân hobi kâu je bong nyiele nyiele balua.

⁹ Anyin a ödra tavat ûkhin fuc, tavat thoi, tavat höcö long hnanyibu anyi Iehova:

¹⁰ tavat adre me ha ka tavat wâ, ka habe, Ca wâ ju; me ha ka ta je perofeta, ka habe, Ca omanenâ kohmun wisa, ha bi thö kohmun ûnyi ae menyik, perofeta thö tang iyawo:

¹¹ kec dö ûnyi hnyi gethen, saû but ûnyi hnyi deny, ohia but ûnyi hnyi hnyimaköhmun Kabi Isaraela.

¹² Anyin a wale, walang hna ha hnen Kabi Isaraela, ka habe, Anyin a öbun e hna degecâ hofuc ang, me geju bi ka ûöveci me hwakecin ae hwali, me labageju kâu;

¹³ anyin a wale ame he hulo ang ka helâ me hmouca köbun, ame he ka ta, ae dua hnyi hna up veto ae beû goranyai, ame he ka ie bobot helâ me thuthubademak.

¹⁴ Ke e ame he ka thö e helâ me hna thö kaia kânâ adre oamamâ me ca betenge gan; mʼ adre me ca he bi ka wâ ong eckeihen ae ûcû he ka hok meic ûnyi hnyi hnabadröu, me seköiö ûnyi hnyi taben köiö.

¹⁵ Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

¹⁶ Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

¹⁷ Ame he wan thauzan ka kec ge ifucin at a khaca; öbun e he ka kec ge ifucin hnyat a thabûng: ke ne o but adre me hnʼ öbun dut helâ me aneunya hon bucen, ke helâ me boûdila hon dok ae hut.

¹⁸ Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

¹⁹ Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

²⁰ Ke ame he Than ka ham köbun jeûiny vec me köien ûöveci, ke so bi ame ca he hmetu tavat adre me nö u ka iyong, kʼ ame he li emâkâm ka wâ tavat adre me nö u:

²¹ ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

²² Ke öbun e he ka oikikiâ sileva tubwiny anyibun je hnatheat, me gol adre okoiâ hmanenanginy anyibun je idola: u me he ka degec helâ me ecmano ae ikiki; u me he ka ha kâu, ka habe, Kec dö u.

²³ Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

²⁴ Ke ame he je bolok me je asina wale adre me huliwan kânâ ka an jeû ae senem, wale adre me ulec ge soi me ut.

²⁵ Ke ame he ka e bi hnyi hon ban ta je bucen hia ae beû goranyai, me je hut hia ae gorany, je wagewe me je köiö ame di, hnyi bonginy ûhlingö ae gan hmâ, e ka ta but je tap ae beû goranyai.

²⁶ Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

²⁷ Wâ bi, ame o but iö Iehova ûnyi hnyi dok ae sâkâû, ame ubâhlâ ge anyin hmonyin, ke khot ge hai ame ölö goranyai: ame unöngötö li esongodiny ge wathethot, ke helâ me meic ame han bohmen:

²⁸ ke haba hnen hna menâ me helâ me wagewe ame bahihingölö ke ne o but hnyi nyin, he ka cubec ta je hnyei ge ûcûbec ûnyi a ohia: ke ame he ka e hnyi hnyimen je hnyei toiny hors wale at ame omonoâ.

²⁹ Öbun e he ka hu khumöng helâ me hnyi lit hnyi j hna ânyâ bijeû; ke ame he ka senyin hnyok, helâ me at ame hom utkowi he ka he ka hnyi bucen anyi Iehova, ka Kici Isaraela.

³⁰ Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

³¹ Anyin adre me he ka thö oamamâ Asuria hnen ho Iehova, e ame he ka kot ge osö.

³² Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

³³ Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.