Isaia 20 - Iaai Bible 1901 (New Caledonia)

¹ HNYI ûen waleji ame o Taretana Asedoda ai hnyin, wale hnyi ûen Saregon than Asuria ame kunâ e, kʼ ame vat me Asedoda kʼ ame hûgûnâ e;

² haba hnyi ûen eling, me ame ba Iehova a deny Isaia nöku Amosa, ka habe, He thö ka thang mano ae gan nân hnyi fetrem, ke uny jut tangen li hnyeûcam. Me e ame ânyâ helâe, kʼ ame he thu ke ba tangen hnyeûca.

³ Ke haingö Iehova, ka habe, Helâ me hnö Isaia athnyabaik hna he thu hnyi kun ta huna, ke ba tangen hnyeûcan hnân haten me hnân ûöman ka at Aigupito me Aithiope;

⁴ helâe minya ame he than Asuria ka lelö at Aigupito a je bâ me at Aithiope tavat adre me ca, wahidröu me wahingat ae ba ûkhaûidra me tangen hnyeucadra, kʼ adre ca tube je hûjiödra me me hmehma Aigupito.

⁵ Ke adre me be ka ot me hmehma can at Aithiope wale adre me geju kodra, me can at Aigupito wale adre me hobeluâ.

⁶ Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?