II. Thesalonika. 3 - Iaai Bible 1901 (New Caledonia)

¹ KE walang obiny hnyat me lakeiny lö, hic dʼ öbun hobi kohmun, e me mweimwei thö hofuc hwan Than, mʼ adre me ogânâ e, helâ minya e unyibun;

² me me he ka hûgûnʼ öhmun ge tavat ae ba hnyekudra, me monu: anyin ae ba labageju ge keihen.

³ Ke e hnathu Than, at ame otethmʼ öbun, me tuʼ öbun ge hulo.

⁴ Ke öhmun e labageju ka Than gabun, a öbun e ânyâ walang, ke öbun e he bala bi ka ânyâ ta je ûnyi öhmun e hûna köbun.

⁵ Ke so ame he Than ka owisa je hnyekubun ka hnyi ibetengiö anyin Khong, me hokhnyok ûnyi ge Keriso.

⁶ Ke öhmun e hûna köbun hnyat me lakeiny, hnyi ien Tuhöta Iesu Keriso, ka habe, ûsâkâûʼ öbun dut me je hnyat me lakeiny hia thithö ae hwali hwakecidra, ke adre me ca hnu hoton hna ûne waleji adre me kap ûnyi gahmun.

⁷ Anyin ae khanʼ jöbun hwakecin ae ûcû wale he ka ûcûcûbingi öhmun: anyin ame ca hwali hwakecihmun unyibun;

⁸ ke haba khaca, öhmun ie ca an bâûâ jeû an ke at, ke öhmun e ânyâ huliwa ae hmak me vec hnyi lit me lany, mʼ öhmun e ca he ka ohmâkâ ke at bi gabun:

⁹ ca anyin bi ae ba anyihmun musi, ke so bi mʼ öhmun e he ka wi öhmun hnân tulut köbun, mʼ öbun e be ka ûcûcubingi öhmun.

¹⁰ Anyin a tiga öhmun bi unyibun, walang hnöhmun hna ha, ka habe, A ne höcö ke at he ka hnyi huliwa, awe, e ame ca he ka hnyi han.

¹¹ Anyin a öhmun e löng e hwakecin keihen unyibun adre me he monoâ, kʼ adre me ca hnyi ânyâ je ve hanymödra, ke adre me huliwa monu thibut.

¹² Ke öhmun e hûna ka tavat a helâe, me ûnö ge Tuhöta Iesu Keriso, ka habe, hamödra he ka huliwa hnyibû, me ve an ö ʼdra bi jeû.

¹³ Ke haba öbun, hnyat me lakeiny, ca sënyin bi he ka mâdrâ hwakecin ae so.

¹⁴ Ke a ne ke at ame ca löng bi hoton hohmun hofuc hnyi tusi ang, me so öbun e bi haten at eling, ke ca tha öbun më, me me he ka hmehma but.

¹⁵ Ke so bi, ca ûnykûme bi kâu helâ me iwahnaihmiöny, ke nâ ju helâ me ke liamekeiny.

¹⁶ Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

¹⁷ Anyik italofa, inya Paulo, oge me set ge hnyamok, wale haten hnyi ta je tusi hia thithö: inya oge me sihnalimen helâe.

¹⁸ E so e unyibun hia thithö ibetengiö baû anyin Tuhöta Iesu Keriso.