II. Je Than 20 - Iaai Bible 1901 (New Caledonia)

¹ KE haba hnyi ûen eling ame he but Hezekia ka mokcu. Me ame o kâu Isaia perofeta nöku Amosa, me ha kâu, ka habe, Walang hna ha hnö Iehova, ka habe, Ûhûne thö me ânyâm lap; anyin a u me be ka mokcu, mʼ u ca he ka möt bi.

² Me haba Hezekia ame hwio hnyimakan ka hnyeige uma, me hic kö Iehova, me ha, ka habe,

³ Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

⁴ Ke tiga ca o Isaia ka hnyi wanben taun, me ame o kâu hofuc ho Iehova, me ha, ka habe,

⁵ Hwio hmetu thö, me ha kö Hezekia, a taben lakeik, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ deköiâm: me wâ bi, oge me he bi nya ka omeli u: haba hnyi bong a kuniny u me he ka he ka hnyi uma umo Iehova.

⁶ Me oge me he bi nya ka bi hanen bongom je bong ama fiftin je huna; me oge me he ka omeli u me taun eang ûnyi hnyi hnyamen than Asuria, ke oge me he ka söng taun ang gak bi, me ga Davita athnyabaik.

⁷ Ke haba Isaia ame ha, ka habe, Hom dö u wan meta. Me ödrin e hom ûnyi eling mo ip hon ohuc, me e ame möt hmetu.

⁸ Me haba Hezekia ame ha kö Isaia, ka habe, Ieû haten a gʼ ame he Iehova ka omeli nya, kʼ oge me he ka dit ka hnyi uma umo Iehova hnyi bong a kuniny?

⁹ Me haingö Isaia, ka habe, Walang haten köu ûnyi ga Jehova, a gʼ ame he Iehova ka ânyâ ûnyi a ha: hawa, ame he ka he bala hmenon seûno hnyi ten je haten, ame ne he ka he hmetu hnyi ten je haten?

¹⁰ Haba Hezekia ame ha, ka habe, Ûnyi ae hâhâ he ka he bala hmenon seûno ke ne o but hnyi ten je haten: ohe, e so e hmetu hmenon hnyi ten je haten.

¹¹ Haba Isaia perofeta ame hongot kö Iehova: ke e ame ohmeto hmenon ten je haten, wale je haten adre me vheno hnyi haten seûno anyi Ahaza.

¹² Ke haba hnyi ûen eling Berodaka-baladana nöku Baladana, than Babulona, ame kunâ je tusi me bwihlany kö Hezekia: anyin a e ame long ae gan imeki Hezekia.

¹³ Ke Hezekia ame ling ödrin, me omanenâ ködrin uma omjeûiny hia, a sileva me gol, me je uto ae bo so, me wakaco ae gan hwaban, me umen je omjehen vat, me ta je ûnyi hia ae hnyi uma omjeûiny: e ba ûnyi hnyi umen uma, me dokhon dökhu hia a ca omanenâ Hezekia ködrin.

¹⁴ Haba Isaia perofeta ame he kö Hezekia than, me ha kâu, ha habe, Ieû hna ha hnen tavat eling? ke ûhedrin ua köu? Haba Hezekia ame ha, ka habe, Ûhedrin hnyi hnyei ae sâkâû, wale Babulona.

¹⁵ Ke haingen, ka habe, Ieû ödrin e hamâ hnyi umâm uma? Haba Hezekia ame thu, ka habe, Ödrin e hia but wâ ta je ûnyi hia hnyi umök uma: e ba ke ûnyi hnyi omjehek oge ca omanenâ ködrin.

¹⁶ Haba Isaia ame ha kö Hezekia, ka habe, Long ju hofuc ho Iehova.

¹⁷ Wâ bi, ame he ka o je bong me adre me he ka tha hom Babulona ai ta je ûnyi hia hnyi umâm uma, me je ûnyi a ip lakâmâm ke ne o but hnyi bong ang: ke ame he ka ba kolon, haingö Iehova.

¹⁸ Ke haba ke je lakom ame he ka o ûnyi gam, a je mâtrânâm, adre me he ka hom dö; me me je eunuka hnyi hnyaban than Babulona.

¹⁹ Haba Hezekia ame ha kö Isaia, ka habe, E so hofuc ho Iehova wale u me ha. Ke haingen minya, ka habe, Hawa, e ca so eling, ame ne hu ûsoköu me hnathu hnyi bonguk je bong?

²⁰ Ke haba kolon je hna ânyâ hnö Hezekia, me tang hwegien hia, me hnen hna ânyâ an, me bi deny köien, me oâ köiö ka hnyi taun, hawa adre ca sihnalimen hnyi tusi hnân ha je bong bongon ta je than Juda?

²¹ Ke ame mokut ut Hezekia tha e me lakamen: ke ame than biju Manase a nokon hwaban.