Habakuka 1 - Iaai Bible 1901 (New Caledonia)

¹ WALANG hok ame wâ Habakuka perofeta.

² Iehova lö, oge me he ka khöû köu ke ne o but kehö, ke u me ca ling nya bi? oge me tenge köu ge ûokonguny, ke u me ca omelö bi

³ Anyin a ieû u je omanenâ kônya hulö, me wâ hwakecin ae hwali? ânyin a e hnyi hnyimakök hna söh me ûokonguny: ke e hu hna ivinö, ke adre me oâ iwatreta.

⁴ Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

⁵ Bwele thö unyin ta je hnyei me wâhmakhmeto, me lâiâ gan hmâ thö: anyin oge me ânyâ huliwa hnyi bongubun je bong, eje ke ne adre ne thumetu öbun, öbun e ca he ka kap.

⁶ Anyin a wâ bi, oge me oâ at Kaledaia, hnyei ae hiny ame ie utut; tavat adre me vheno ûlauen hmeledrany, he ka hûgûnâ je dok hnân labâ, a ca idra bi.

⁷ Ödra tavat hnân outen me öbubuny gadra: ame ka o bi gadra hna owisa me hmanenangidra.

⁸ E logot minya haledra je hors hon je lepad, ke hwege hnyimak hon je luko hnyi sahac; tavat tabö hors unyidra adre me ave ehe thibut: eke, anyidra tavat tabö hors ûhedra sâkâû; adre me gâ helâ me aeto at ame logot ka an haniny.

⁹ Adre me tha o hia he ka ûokonguny; helâ me ang hwei imaneniny je hnyimakodra; adre me ûkhaca-köuâ je bâ helâ me öny.

¹⁰ Eke, e ame hluma je than, ke taben ûhiö kâu je taben: e ame hluma je hnabâ hia; anyin a e ame okhibö goranyai kânâ me hûgûnâ.

¹¹ Me e ame he ka o helâ me ang me hanyâûâ, me me hu hulö kâu: wale at a haba tang hwegien me ûnyi ge khongon.

¹² Iehova lö, Khonguk, me Kapik, hawa, u ca at kâû adrem bala? ohmun e ca he ka mok. Iehova lö, u je otilâ e me hnân owisa, Kicik lö, oâ e me hnân nâ.

¹³ E kalaöt hmonyin li emâkâm, me u je ca bewâ hulö, ke u je höcö wâ hwakecin ae hwali, anyin a ieû u je wâ tavat iyawö, me laba hnyibû hnyi ûen ame he at ae kong ka utâ at ae wisa hon e bi;

¹⁴ me mâdrâ tavat mʼ ödra helâ me wâiny köiö, ke ta je ûnyi ame iyâû ke ba at ame musi ödra?

¹⁵ E ame kap goranyai ödra hia ge wage, kʼ ame ohnoki ödra hnyi ûten ert, kʼ ame hum ödra hnyi ûten ert hlihli: anyin a wale e ame senyin me hobâ.

¹⁶ Anyin a wale, e ame bi hut ka ûten ert, kʼ ame leû utö ae bo so ka ûten ert hlihli; anyin ae pipikhenya jekhon ûnyi gan, ke gan hmâ an jeû.

¹⁷ Anyin a wale, hawa, ame he ka öba onyen ûten ert, kʼ ame ca he ka hokhnyok hnyi hnen hna labö ohia ta je hnyei.