Genese 8 - Iaai Bible 1901 (New Caledonia)

¹ KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

² adre hlöng ut minya ta je pupuainy köiö ae gan me je hlinginy drany, ka adre thawâ ju we ûnyi hnyi drany;

³ ke ame hmetuhmetu tot köiö ûnyi hnyi hmeledrany: ke hwaban khaca haded ke fifte ta je bong adre öû-hnyûkongoâ köiö.

⁴ Ke haba hnyi tehi a seveniny, hnyi bong a seventininy tehi ame laba thö aka hon bucen Ararata.

⁵ Ke ame ûhnyûkong tot bala but köiö ke ne o but tehi a libenyitainy: haba hnyi tehi a libenyitainy, hnyi bong a bâniny tehi, e manen dut bân ta je bucen.

⁶ Ke hwaban ta je bong a fâte, haba Noa ame khong mamalama waleji e ame tibet hnyi aka:

⁷ ke e ame hna but ke oreba, kʼ ame gâ monu ke ne o but ame hme thö köiö hon hnyei.

⁸ Ke e ame hna ke biny ûnyi gan, me me khana thö ame ne hme thö köiö ûnyi hnyi kânâ;

⁹ ke haba biny ame ca wâ ke ong dok he ka menâ hnyin, kʼ ame hmetu hmetu kâu ka hnyin aka, anyin a tiga e bala köiö hon hnyei hia: ke e ame inâ but hnyamen me hom e, me odilâ hmeto kâu hnyin aka.

¹⁰ Ke e ame lubahingen hnyi ke je bong a seven minya; me e ame hna hmetu but biny ûheny hnyin aka;

¹¹ ke a o hmetu but biny kâu hnyi sahac; ke, wâ bi, e hnyi hnyimen lan elaio adre hia but thu: waleling me me khana ju Noa a e hme but köiö hon hnyei

¹² Ke e ame halubahingen hmetu hnyi ke je bong a seven; me ame hna hmetu but biny; ke e ame ca o hmetu bala bi kâu.

¹³ Ke hnyi huna a siks haded ke wan, hnyi tehi a bân, hnyi bong a bâniny tehi, ame hme but köiö ûnyi hnyi hon hnyei: ke Noa ame hom dö tubiny aka, me hngele, ke wâ bi a hme but hon kânâ.

¹⁴ Ke haba hnyi tehi a loiny, hnyi bong a twente seveniny tehi, ame hwahwacit dö kânâ.

¹⁵ Ke haba Khong ame ha kö Noa, me ha, ka habe,

¹⁶ Didrut ûhem hnyin aka, u me âiâm, me je lakom, me lâiân je lakom a tha ödrin möu.

¹⁷ Hom but ta je ûnyi hia ae möt a e unyâm wale je meno hia, a je meno ame gâ, me vak cadrin, me iyâû hia eang hmeledrany: mʼ adre me he ka si but eang hmelen, me se hia but, me dedo eang hmelen.

¹⁸ Me Noa ame didrut, me je lakon, me âiân, me lâiân je lakon a tha ödrin më:

¹⁹ ame tha didrut ûheny hnyi aka ta je menoiny hnyot hia, me ta je ûnyi ame iyâû hia, me ta je meno ame gâ, me ta je ûnyi ame bwebwet eang hmelen, hoton anyidrin je ve lap.

²⁰ Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

²¹ Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

²² Ke ka e bala bi hmeledrany, me ame ca he ka hia ûen tā, me ûen menu, me megic, me kahwa, me honivakeny, me hnyeun, me lany, me lit.