Genese 50 - Iaai Bible 1901 (New Caledonia)

¹ ME Josefa ame ta hon hnyimakan kamen me tenge hon, me ûcimhnyimak mē.

² Ke Josefa ame hûna ka lathnyabainy a je hnyat tren bubun he ka onâkâ kamen: kʼ ame onâki Isaraela hnen je hnyat tren bubun.

³ Kʼ adre um dö je bong a fâti hobi kâu e; anyin a wale je bong adre me oumo hnyin hna onâkâ: ke sevente ta je bong hnen at Aigupito hna tengiâ e.

⁴ Ke a um dö ta je bongon hna tengiâ e, me haba Josefa ame ha ka lap anyi Farao, ka habe, Öbun e ne betenge gak, ha thö ka hnyi hnyikönyö Farao, ka habe,

⁵ Cica ame kunö nya he ka khemanyin, ka habe, Wâ bi, oge me he but ang ka mok: ke haba erkemok oge hiny hobi könya bi hnyi hnyei Kanana, u ma he ka könim nya eling. Ke walang ang, ö u hnö nya but ka he me könim cica, mʼ iny hmetu ju.

⁶ Ke haingö Farao, ka habe, He thö ka konâm kâmâm, helâ me hnen hna kunö u he ka khemanyin.

⁷ Ke Josefa ame he but he ka konâm kamen; kʼ ame tha he më lathnyabai Farao hia, a je hingating hnyaban, me wahingat hia hnyi hnyei Aigupito,

⁸ me lap anyi Josefa hia, me je liamekeiny më, me lap anyin kamen: ke adre hnen biju lakudrin ae ûhnyûkong, me ta je mamoe, me haledrin ta je kâu, hnyi hnyei Gosena.

⁹ Kʼ ame tha he me ta je ukariota me tavat adre me tabö hos: ke gan hmâ bunyen.

¹⁰ Kʼ ödrin e o but ka hnyi hnahuje hwit anyi Atada, wale hoton Joridano, me ödrin e hnyamok eling me tenge hwege: ke e ame otilâ je bongon hnyamoko kamen a seven.

¹¹ Ke a wâ but tavat aten hnyei, wale at Kanana, a gʼ adre tenge hnyamok hnyi hnahuje hwit anyi Atada, me ödrin e ha, ka habe, Wale hnyamok ae gan hmâ anyin at Aigupito; waleling adre me hwenyi ien e Abela-mizeraima, wale hoton Joridano.

¹² Ke haba lakon ödrin e ânyâ kâu helâ me hnen hna hûna ködrin:

¹³ anyin a je lakon ödrin e hom e ka hnyi hnyei Kanana, me konâm hnyi op hnyi utkânâ hnyi Makepela, waleji a ûco Aberahama tha e me utkânâ hnân khön komok hnyin, ûnyi ga Eferona at Heth, cicö Mamere.

¹⁴ Ke Josefa ame hmetu Aigupito ai, e me je liamekeiny më, me ödrin hia adre me tha he më ka hnyi konâm kamen, hwaban hna konâm kamen.

¹⁵ Ke a wâ but je liamekeiny me Josefa a ga mokcu kamödrin, me haingödrin, ka habe, Ame ne he ka he Josefa ka liûkötiʼ ota, me bi hwaban köta anyitin ta je monu waleji ötin e ânyâ kâu.

¹⁶ Ke ödrin e ûkhûnöng kö Josefa, me ha, ka habe, Haingen kâmâm ke tiga ca mok, ka habe,

¹⁷ Öbun e he ka ha helang kö Josefa, ka habe, Oge me sumatö u he ka hna degecâ hulö anyin je liamekeiny möu me hwakecidrin ae kong, anyin a ödrin e ânyâ kong köu: ke walang ang, ö u hna degecâ hulö anyin lathnyabainy Khongon kâmâm. Ke Josefa ame tenge hnyi ûen ödrin e fuc kâu.

¹⁸ Kʼ ame he minya je liamekeiny më me ta ju hnyi hnyimakan, me ha, ka habe, Wâ bi öhmun je athnyabaem.

¹⁹ Ke haingö Josefa ködrin, ka habe, Ca ot: hawa, hwaban Khong inya?

²⁰ Ke haba öbun eja ke ne öbun e ûnykûme ehac he ka okongu nya, haba Khong ame ûnykûme he ka osoâ bi, me me hwâdâ helâ me hnyi bong ang, he ka omelö tavat ae se hia madre me möt.

²¹ Anyin a wale ca ot: oge me he ka hat öbun, me je lakubuu ae ûhnyûkong. Ke e ame otubweli ödrin, me fuc menyik ködrin.

²² Ke Josefa ame laba hnyi Aigupito, e me lap anyin kamen: ke mot Josefa khaca haded ke libenyita taje huna.

²³ Ke Josefa ame wâ laku Eferaima ke ne o but ka hnyi do a kuniny: me laku Makir minya nöku Manase adre hnokoâ me ip hnyi li jevö Josefa.

²⁴ Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

²⁵ Ke Josefa ame kuna je laku Isareala he ka khemanyin, ka habe, E hnathu Khong ame he ha senʼ öbun, ke öbun e he ka hom minya je jeiök ûbeny ang.

²⁶ Ke Josefa ame mokcu, ke haba hunainy me khaca haded ke libenyita je hunainy: ke ödrin e onâkâ e, me bitangen hnyi tang hnyi Aigupito.