Ezekiela 2 - Iaai Bible 1901 (New Caledonia)

¹ KE e ame ha könya, ka habe, Nokon at lö, todrö ge li cam, me oge me he ka fuc köu.

² Ke ame dit hanu ka hnyi hnyekuk hnyi ûen e ame fuc könya, me otilâ li cak; me oge me long ifucin at ame fuc könya.

³ Ke e ame ha könya, ka habe, Nokon at lö, inya oge me kunö u ka lakon Isaraela, ka je hnyei adre me ûkhin fuc, waleji tavat adre me thu anyik musi: ödra me lakamödra adre hia but ânyâ hwakecin ae kong könya ke ne o but hnyi bong ang.

⁴ Ke haba lakon, me hwege hnyimakodra me khot hnyekudra; inya oge me kunö u kodra: ke u me he ka ha kodra, ka habe, Walang hna ha hnen Than Iehova.

⁵ Ke haba ödra, adre me ne he ka long, kʼ ame ne ba, (anyin a ödra lap ûkhin fuc,) me ame he ka khanʼ ödra ae unyidra perofeta.

⁶ Ke haba u, nokon at, ca ot bi gadra, ke ca outen hodra ta je hofuc, eja ke ne a ne tha e möu ûö ae ûdedö me watetaföcö, ke eja ke ne a ne tha laba möu ta je sekopio: ca outen bi hodra ta je hofuc, ke ca öbubuny ge je hnyimakodra, anyin a ödra lap ûkhin fuc.

⁷ Ke u ma he ka ha kodra hok ta je hofuc, kʼ adre me ne he ka long, kʼ ame ne ba: anyin a ödra tavat ûkhiny fuc hmonyin.

⁸ Ke haba u, nokon at, long ju hnok hna ha köu; ca he ka ûkhin fuc helâ me lap ang ae ûkhin fuc: memang ut me u me he ka an ûnyi oge me he ka ham köu.

⁹ Ke oge me wâ, ke wâ bi, ame inâ ke hnyam könya; ke wâ eû hnyin ke tusi adre vhec;

¹⁰ ke e ame ulolo e hnyi hnyimakök; ke adre me tha sihnalimen li ke keihen: ke adre me sihnalimen hnyin e tenge, ke tenge thungaû, ke vec hnyok.