Esodo 26 - Iaai Bible 1901 (New Caledonia)

¹ KE u me he ka ânyâ uma mano a ten je tubwiny; a mano lino ae ûhnyûkong nân adre seveny, me udrudrâ, me udrudrâ hlit, me dra vec, kʼ ame he hnyat huliwa ae metâ ka huliwan ge je kerubi.

² Haba ibeûen je tubwiny, ame he ka twente eit je kubit, ke ûsa vak kubit ûlauen je tubwiny: ame he ka khaca tulutiny ta je tubwiny hia.

³ Adre me he ka ûtibetköuâ ta tubwiny a thabûng ke at me ke at; kʼ adre me he ka ûtibetköuâ ke je tubwiny a thabûng ke at me ke at.

⁴ Ke u me he ka ânyâ je hnyimen hnewe ae udrudrâ hnyi baten tubwiny hnyi hna ohmâ; ke u me he ka ânyâ helâe minya hnyi ke baten tubwiny, hnyi hna ohmâ khaca.

⁵ Fifte hnyimen je hnewe u me he ka ânyâ hnyi ke tubwiny, ke fifte hnyimen je hnewe u me he ka ânyâ hnyi baten tubwiny hnyi hna ohmâ a loiny, me me he hnyimen je hnewe ka tha ûcû.

⁶ Ke u me he ka ânyâ je bâlet gol a fifte, me ûseû-köuâ je tubwiny ge je bâlet: me me khaca uma mano.

⁷ Ke u me he ka ânyâ je tubwiny unen got hnân khavâ uma mano: eleven je tubwiny u me he ka ânyâ.

⁸ Ke haba ibeûen je tubwiny ame be ka ûsa thöte je kubit, kʼ ame he ka ûsa foa kubit ûlauen je tubwiny: kʼ ame he ka khaca tulut je tubwiny a eleven.

⁹ Ke u me he ka ûobmâköuâ je tubwiny a thabûng me me khaca, me je tubwiny a siks me me khaca, me u me he ka vhec tubwiny a siksiny hnyi hnyimakan uma.

¹⁰ Ke u me he ka ânyâ hnyimen je hnewe a fifte hnyi haten tubwiny hnyi hoton hnyi ohmâiny, ke fifte hnyimen je hnewe hnyi baten ke tubwiny hnyi hna ohmâ a loiny hnyi hoton.

¹¹ Ke u me he ka ânyâ je bâlet bras a fifte, me odilâ je bâlet ka hnyi hnyimen je hnewe, me me ûohmâköuâ uma me me khaca thibi.

¹² Ke haba ke keihen kolon je tubwiny uma, wale kolon a hafiny tubwiny uma, ame he ka him hnyi hoton uma mano.

¹³ Ke haba kubit hnyi ke keihen a khaca, me kubit hnyi ke keihen a loiny, wale ûnyi hnyi kolon hnyi ibeûiny je tubwiny uma, ame he ka him hnyi li ke keihen uma mano hnyi ke baten me ke baten hnân khavâ e.

¹⁴ Ke u me he ka ânyâ hnân tube uma je unen mamoe baga adre wia e me dra, me je unen takasa hna tube bân.

¹⁵ Ke u me he ka ânyâ je esö öhum adre me he ka otilâ hnân uma mano.

¹⁶ Ame he ka ûsa ten kubit ibeûen je esö, ke û sa khaca kubit me haf ûlauen je esö.

¹⁷ Ke ame he ka ûsa lo can hnân dit hnyi je esö he ka tha hûjâköuâ: ke u me he ka ânyâ helâe je esöiny hia uma mano.

¹⁸ Ke u me he ka ânyâ je esö a twente hobi kâu uma mano hnyi ke keihen ka hnyi hwaiöu.

¹⁹ Ke fâte je taben sileva u me he ka ânyâ eû hmelen je esö a twente; lo li taben eû hmelen ke esö hobi kâu li can, ke lo li taben hmelen ke esö hobi kâu ke li can:

²⁰ ke ame he ka twente je esö hobi kâu ke keihen uma mano ka hnyi hwadrö:

²¹ kʼ ame he ka fâte je taben sileva; lo li taben eû hmelen ke esö, me ke li taben eû hmelen ke esö.

²² Ke u me he ka ânyâ je esö a siks hobi kâu hnyaumainy uma mano e jio.

²³ Ke u me he ka ânyâ lo li esö hobi kâu hnyaumainy uma mano hnyi li kop.

²⁴ Kʼ adre me he ka ânyâ me me ûsa lo eû, ke adre me he ka ûohmâköuâ ke ne o but ethö hnyi ke otru; kʼ ame he ka helâe li at a lo hia; wale hnân hobi kâu li kop.

²⁵ Kʼ ame he ka hu eit je esö, me je taben, me je taben sileva a sikstin; lo li taben hmelen ke esö, ke lo li taben hmelen ke esö.

²⁶ Ke u me he ka ânyâ je venyâ öhum; thabûng hobi kâu je esö hnyi ke keihen uma mano,

²⁷ ke thabûng je venyâ hobi kâu je esö hnyi ke keihen uma mano, ke thabûng je venyâ hobi kâu je esö hnyi ke keihen uma mano, hobi kâu hnyaumainy e jio.

²⁸ Ke haba venyâ hnyi wanben wale ame mokut hnyi wanben je esö, ame he ka hwân hnyi ke baten ke ne o but ka hnyi ke baten.

²⁹ Ke u me he ka khavâ je esö ge gol, me ânyâ je otru gol hnân inâ je venyâ: ke u me he ka khavâ je vhenyâ ge gol.

³⁰ Ke u me he ka otilâ uma mano hoton tulutiny adre hia but omanenâ köu hon bucen.

³¹ Ke u me he ka ânyâ singiny a mano j ae udrudrâ, me udrudrâ hlit, me dra vec, me lino ae ûhnyûkong nân adre seveny; ka adre me he ka ânyâ hnyin je kerubi a huliwan hnyat ae metâ:

³² ke u me he ka i uhno e hnyi vak ta utö öhum ame tot adre khavâ ge gol, me je bâlet gol, hnyi je taben sileva a vak.

³³ Ke u me he ka uhno singiny hmelen je bâlet, me hom eiö tang hnân ohnatho ka hnyi hoton singiny: kʼ ame he singiny ka bi hnyigöulen köbun dok ae kap me dok ae ti kap.

³⁴ Ke u me be ka ip taben ibetengiö ethö hon tang hnân ohnatho hnyi dok ae ti kap.

³⁵ Ke u me he ka ip laulau hnyi ke keihen singiny hnyou ai, me taben lamepa cicö laulau hnyi ke keihen uma mano ka hnyi hwaiöu; ke u me he ka ip laulau hnyi ke keihen ka hnyi: hwadrö.

³⁶ Ke u me he ka ânyâ hobi kâu hwanumen uma hlinginy ae udrudrâ, me udrudrâ hlit, me dra vec, me lino ae ûhnyûkong nân, a huliwan hnyat omecâ mano.

³⁷ Ke u me he ka ânyâ utö öhum i ame tot a thabûng hobi kâu hlinginy, me khavâ ge gol; me je bâlet gol, me le je taben bras a thabûng hobi kâu je utö.