Deuteronomi 28 - Iaai Bible 1901 (New Caledonia)

¹ KE u je ne he ka ti löng hoton hofuc ho Iehova Khongom he ka wâ wia me ânyâ hnen je hna hûna, wale oge me huna köu hnyi bong ang, me ame he Iehova Khongom ka obeönuai u hon ta je hynei hia eang hmelen:

² kʼ ame he ka o köu ta je hnahic hia eang, me hom tilö u, u ka löng hoton hofuc ho Iehova Khongom.

³ Ke u me he ka hnahic hnyi taun, kʼ u me he ka hnahic hnyi ta hnyei.

⁴ Ame he ka hnahic wan hnyekom, me wan kânâm kânâ, me wan halem omeno, me ûsahiainy je kau me lakon mamoe.

⁵ Ame he ka hnahic tangâm tang, me taben bi ânyâm salawa hnyin.

⁶ U me he ka hnahic u ka didro, ke u me he ka hnahic u ka didrut.

⁷ Ame he Iehova ka hna je iwahnaihmiöny möu, tavat adre tot köu ka mok hnyi hnyimâkâm adre me he ka o köu hnyi ke gethen, me ve kec gam hnyi je gethen a seven.

⁸ Ame he Iehova ka ohnahici u hnyi je uma u me ip ânyâm jeû hnyin, me hnyi ta je ûnyi u me he ka ip hnyamâm kâu; kʼ ame be ka ohnahici u hnyi hnyei a ham köu Iehova Khongom.

⁹ Ame he Iehova ka ohmö u inʼ u hnyei ae kap hobi kâu e bi, helâ me e ame khemanyin köu; u je ne he ka tuö je hnanyibu anyi Iehova Khongom, ae vheno deny je gethen.

¹⁰ Ke ame he je hnyei hia eang hmelen ka wâ a gʼ adre ip iö Iehova hom; mʼ adre me he ka outö o.

¹¹ Ke ame he Iehova ka osehia hobi köu ta je ûnyi ae so, a wan hnyekom, me wan halem je meno, me wanʼ kânâm kânâ, hnyei a khemanyin Iehova ka lakâmân he ka ham köu.

¹² Ke ame he Iehova ka khong köu tang omjehen ae so, wale drany he ka ota we hnyi ûen bi hnyi kânâm kânâ, ae ohnahicâ huliwa hia anyin li hnyamâm: ke u me he ka me ham omjeû ka ta je hnyei ae se, kʼ u me ca he bi ka me sumâtâ.

¹³ Ke ame he Iehova ka wiö u hnân ban, ke ca hmokunen bi; ke u me he bi ka hon, ke ca hnyikânâ bi; u je ne löng hoton je hnanyibu anyi Iehova Khongom, wale oge me hûna köu hnyi bong ang he ka wâ wia me ânyâ;

¹⁴ ke ca saû ka hnyi ke keihen metâ, me ke keihen me, a ûnyi hnyi je hofuc oge me hûna köu hnyi bong ang, he ka hnu hoton ke je khong me bi athnyabaidrin.

¹⁵ Ke u je ca löng hofuc ho Iehova Khongom he ka wâ wia me ânyâ anyin je hnanyibu hia, me hnen je hna hûna, wale oge me hûna köu hnyi bong ang; me ame he ka o köu me hom tilö u ta je hnaûhango hia eang.

¹⁶ Ke u me he ka hnaûhango hnyi taun, ke u me he ka hnaûhango hnyi ta hnyei.

¹⁷ Ame he ka hnaûhango tangâm tang, me taben u me bi ânyâm falawa hnyin.

¹⁸ Ame he ka hnaûhango wan hnyekom, me wan kânâm kânâ, me ûsehiainy halem je kau me lakon halem je mamoe.

¹⁹ U me he ka hnaûhango u ka didro, ke u me he ka hnaûhango u ka didrut.

²⁰ Ame he Iehova ka kunâ köu hnaûhango, me vec, me û, hnyi ta je ûnyi u me ip hnyamâm kâu he ka ânyâ ke ne o but u me mok me ke ne o but u me ie hia but; can hulöiny ânyâm je huliwa u me digic nya hnyin.

²¹ Ame he Iehova ka okeceâ köu mok ae cap, ke ne o but e ame ohiö u ûnyi hnyi hnyei, wale u me he ka hnyin he ka hu e.

²² Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.

²³ Ke haba drany ethö hon bâm, me, ame he ka helâ me bras, kʼ ame he ka helâ me fao bi kânâ eû hmelâm.

²⁴ Ame he Iehova ka wia ânyâm we me me kânâ me sesâiny kânâ, kʼ ame he ka ta ûnyi hnyi drany ka hnyi hom, ke ne o but adre ohiö u.

²⁵ Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

²⁶ Ke haba unyâm bi me an omeno hia ame gâ ethö, me omenoiny hnyot, ke ba at ame he ka alen.

²⁷ Ame he Iehova ka kuc u ge ohuciny Aigupito, me vec tiny, me anyû, me hölök, wale ae ca khana bi he ka metu.

²⁸ Ame he Iehova ka kuc u mʼ u me monu, me wadröu, me uthmâhmâ hnyekon:

²⁹ ke u me he ka khaûteta hnyi jebigö, helâ me at ae wadröu ame khaûteta hnyi lit, kʼ u me ca he ka hnahic hnyi dem je gethen, ke adre me he ka okongu u me hûgûnâ ânyâm ta je ûnyi hnyi je bong hia, ke ba at ame he ka omeli u.

³⁰ U me he ka kâcâ momo, kʼ ame he bi ke at ka tha mokut mē: u me he ka op uma, kʼ u me ca he bi ka labā: u me he ka belökâ vine, kʼ u me ca he bi ka ijem wan.

³¹ Adre me he ka hlingâ halem bolok hnyi hnyimâkâm, ke u me ca he bi ka hnyi han: adre me he ka hûgûnâ halem asina hnyi hnyimâkâm, kʼadre me ca he ka hom hmetu e köu: adre me he kaham halem je mamoe ka je iwahnaihmiony möu, ke ba at ame he ka omeli u.

³² Adre me he ka ham lakom baga me hlu ka hnyi ke hnyei, ke u me he ka elâm ge li emakâm, me sēnyin halubahing ʼödrin hnyi je bong hia thibut: ke ba maniny hnyam m.

³³ Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

³⁴ me me omonu u ge ta je ûnyi u me he ka wâ ge li emakâm.

³⁵ Ame he Iehova ka kot li boucam me li cam ge ohuc ae vec, a at ae ca khana he ka metu, hwân hnyi hnyeûcam ke ne o but ka hnyi wanben bâm.

³⁶ Ame he Iehova ka tha hum u, me tuhâm a at u me otilâ hom, ka hnyi hnyei ae ca khanö u, a u me lakâmâm; ke u me he ka bi athnyabainy eling ke je khong a uto me veto.

³⁷ Ke u me he ka hnân lâiâ, me vejec, me hofuc hluhluma hnyi je hnyei hia ame he Iehova ka lili u ka hnyin.

³⁸ E gan hmâ je hatong u me he ka hom ka hnyi em hnyei, ke ûhnyûkong bi u me he ka ip; anyin ame he ka han hnen ta je wahamon.

³⁹ U me he ka ta je hnyei vine me belökâ, ke u me ca he ka ijem wainainy, ke u me ca he bi ka tau wan; anyin ame he ka han hia ê ge je oûnyi.

⁴⁰ Ame he ka hu halem je ûö elaio hnyi em hnyei hia, ke u me ca be ka sûö u ge wakacoiny; anyin ame he ka kolu wan ke tiga but.

⁴¹ U me he ka hnokoâ je baga me momo, kʼ ödrin e ca he ka lakom bi; anyin adre me he ka hum ödrin ka hnyi hwenbâ.

⁴² Haba halem je ûö me wan kânâm kânâ, me ame he je wahamon ka han.

⁴³ Ame he atkanyua unyâm ka labö kû tot me me nua hom; ke u me he ka hnyikânâ tot hmönyin.

⁴⁴ E ame he ka me ham köu, ke u me ca he ka me ham kâu; e ame he ka ban, ke u me he bi ka hmokunen.

⁴⁵ Ke ame he ka o ta je hnaûhangö eling hia köu, me hnu u, me hom tilö u, ke ne o but ame hiö u but; anyin a u je ca löng hofuc ho Iehova Khongom he ka tuö anyin je hnanyibu me hnen je hna otilâ waleji e ame hûna köu:

⁴⁶ kʼ ame he ka e bi unyâm hnân haten me hnân lâiâ me unyin j mâtrânâm nyiele balua:

⁴⁷ anyin a u je ca bi athnyabai Iehova Khongom me senyin me hobâ hnyi hnyekom can ûgâniny ta je ûnyi hia:

⁴⁸ anyin a wale u me he ka bi i athnyabainy je iwahnaihmiony möu tavat ame he Iehova ka kunâ köu, kʼ u mekihnânem, me beic, me he thu, me weny ta je ûnyi hia: kʼ ame he ka ip ûnyi hnân ûhûkâlâköuâ a fao hon nyem, ke ne o but e ame ohiö u.

⁴⁹ Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;

⁵⁰ hnyei ae hwege hnyimakan, kʼ adre me ca ogânâ wahingat, me betenge ge tavat ae ûhnyûkong:

⁵¹ ke e ame he ka han wan halem je meno, me wan kânâm kânâ, ke ne o but ame hiö u but: ke e ame ca he ka bi kolon köu hwit, me waina, me wakaco, me ûsehiainy halem je kau, me lakon halem je mamoe, ke ne o but e ame ohiö u.

⁵² Ke e ame he ka igigili u hnen vat hnyi ânyâm je taun hia, ke ne o but ame u ta je hak veto u me op goranyai waleji u me geju kâu hnyi em hnyei hia: ke e ame he ka igigili u hnyi ânyâm je taun hia hnyi em hnyei waleji a ham köu Iehova Khongom.

⁵³ Ke u me he ka han wan hnyekom a utioiny lakom baga me hlu a ham köu Iehova Khongom; hnyi hi a igigilö me thelöng, wale ame he je iwahnaihmiony möu ka oveci u gan.

⁵⁴ Haba baga at ae menyik unyâm me ti mita, me e ame he ka okongo emakan ka liamekeiny mē, me âiân ae betenge gan, me kolon je lakon adre tiga ca hûgûnâ;

⁵⁵ me e ame ca be ka ham ka ke at gadrin ong utioiny lakon e ame he ka han anyin ae ba but ta ûnyi gan; a hnyi ûen igigilö me thelöng, wale ame he je iwahnaihmiony möu ka oveci u hnyi ânyâm je taun hia.

⁵⁶ Haba momo ae menyik me ti mita unyâm, at ame ai hnyi kâlâ kânâ ge hnyeûcan can mitainy me menyikiny, me e ame he ka okongo li emakan ka âiân ae betenge gan, me nokon baga, me nokon hlu;

⁵⁷ me at ae ûhnyûkong ame o wanben li can, me lakon e ame he ka hnokoâ; ke ame he momo e ka han duöngi ödrin anyin ae ba han; hnyi hna igigilö me thelöng, wale ame he je iwahnaihmiony möu ka oveci u gan, hnyi ânyâm ta je taun hia.

⁵⁸ U je ne ca he ka wâ wia he ka ânyâ ta je hofucin hia hnanyibu wale adre sihnalimen hnyi tusi ang, me u me outen ien ae hmânenang me hnân outen, wale Iehova Khongom;

⁵⁹ kʼ ame he Iehova ka olungâ ânyâm ta je mok, me je mok anyin je mâtrânâm, a je mok ae gan hmâ, me tet hmâ, me je mekiny ae vec, me tet hmâ.

⁶⁰ Ke e ame he ka oâ köu je mekiny Aigupito hia, wale u me outen; kʼ ame he ka kece köu.

⁶¹ Ke ta je mok hia minya me je ûnyi ae kong hia adre ca set hnyi tusiny hnanyibu eang, ame he Iehova ka oâ köu, ke ne o but ame hiö u.

⁶² Ke öbun e he ka wakhalet biju, waleji a helâ me je okhûiny drany ûseibun; anyin a u je ca löng hoton hofuc ho Iehova Khongom.

⁶³ Ke wâ bi, helâji me Iehova ame senyin köbun he ka osoi öbun, me osehiʼ öbun, me helâe e ame he ka senyin köbun he ka ohiʼ öbun, me oumi öbun; ke adre me he ka oc degeci öbun ûnyi hnyi hnyei u me he ka hnyin mʼ u me hu.

⁶⁴ Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

⁶⁵ Ke u me ca he ka laba wia hnyi je hnyei hia eling, kʼ ame ca he ka menâ hnyeûcam: ke ame he Iehova ka ham eling köu hnyok ae öbubuny, me li ecmak ae dit, me hanu ae höcö:

⁶⁶ ke u me he ka labö loloâ ânyâm möt; ke u me he ka labö ot hnyi hnyinghet me lany, ke u me ca he ka sekunâ ânyâm möt:

⁶⁷ hnyi hnyomakatu u me he ka ha, ka habe, E na sahac ut! ke e sahac me u me he ka ha, ka habe, E na hnyomakatu but! anyin ae ot hnyekom, ke can ta je ûnyi u me wâ ge li emakâm.

⁶⁸ Ke ame he Iehova ka ohmetu u Aigupito ai hnyi je hu, kʼ u me he ka gethen waleji oge ha köu, ka habe, U me ca he hmetu ka wâ e balua: ke öbun e he bi eling ka beûcû öbun ka je iwahnaihmiony möbun mʼ öbun e bi athnyaba k dra obaga me omomo, ke ba at ame he ka ûco.