At Khet 6 - Iaai Bible 1901 (New Caledonia)

¹ E HU ke monu oge me wâ hmelen seûno, ke e hmak e ka tavat:

² wale at hnen Khong hna ham omjeû kâu, me ta je ûnyi, me ogânâ, ke ca hia bi gan ke ûnyi e ame weny, ke so bi Khong ame ca hna but kâu man he ka han hnyin, ke ame han hnen atkanyua; wale thatûnyi me mok ae kong.

³ A ne khaca haded je lakon ke at, ke se hia hunainy anyin möt, me me ti se hia je bonginy ta je hunainy, ke ame ca sekon bi ge so, ke adre ca konâm bi; inya oge me ha, me so köluhabû hon e;

⁴ anyin ame o hnyi ûnyi baû, me he hmetu hnyi menekholom, ke ame oiyongâ ien hnen menekholom;

⁵ ke haba khaca e ame ca wâ seûno, ke ca khana bi; e nua menâiny at ang hon at eji:

⁶ eke, eja ke ne a ne möt hnyi lo li thauzan je huna, kʼ ame ca wâ bi so: hawa, me ca he ka he ka hnyi dok a khaca?

⁷ Haba ta je huliwa hia anyin at, hnân hobi kâu bi hnyimen, kʼ ame ca sekon bi weny.

⁸ Anyin a ieû troban ka at ae metâ hon at ae monu? ie ûnyi anyin at ae theduoc at ae khana he ka he hnyi hnyimakan tavat ae möt?

⁹ E so hna wâ hnen li ecmak, hon ona weny hnen hnyok; wale ke thatûnyi, ke ame han ang.

¹⁰ Haba ûnyi ame o adre hia but hwenyi ien ehac, ke manen dut ae at: ke ca khanʼ bi he ka ivino me at ae beönua hon e.

¹¹ E se hia ta je ûnyi ame bi hanen ka ûnyi baû, anyin a wale ieû troban ka at!

¹² Anyin ae khanö ia ûnyi ae so ka at hnyi möt ang, hnyi ta je bonginy anyin möt ae ûnyi baû, ame möt hnyin helâ me hmenu? ke ie at ame he ka omanenâ ka at ûnyi ame he ka o hwaban e hmelen seûno?