At Khet 10 - Iaai Bible 1901 (New Caledonia)

¹ HABA ta je nöng adre mokcu, me adre me obokongoâ wakaco ae bo so: helâe minya e hmak hnyi tulut monu ae ûhnyûkong hon metâ me hna ogânâ.

² E bi hnyekon at ae metâ hnyi ke keihen a metân, ke e bi hnyekon at ae monu hnyi ke keihen a meny.

³ Eke, ke haba khaca, e ka vheno gethen hnen at ae monu, me ha ûnykûmenen, ke e ame omanenâ ka tavat hia a e at ae monu.

⁴ A ne tot köu hmonyin anyin than, ca he thö hnyi hnâm; anyin a hwakecin ae menyik ame thawâ ta je monu ae gan.

⁵ E hu monu oge hia but wâ hmelen seûno, helâke monu ame o ûnyi ge at musi:

⁶ a gʼ adre me otilâ hwen monu hnyi je dok ae gorany, ke haba tavat tren omjeû me adre me laba hnyikânâi.

⁷ Oge hia but wâ ta je athnyaba adre me tabö hors, ke haba ta je than adre me he hon kânâ helâke ta je athnyaba.

⁸ Haba at ame hiny thop, me ame he ka kolu ka hnyin; ke haba at ame thu bak me ame he ka oloû on.

⁹ Haba at ame thu veto me ame he ka kong hnen e; ke haba at ame khû uto, me ame he ka aat kâu.

¹⁰ Ame ne kong hwan fao, kʼ adre ca bân ka khet homakan e, me hamen at he ka ti ham hwegien, ke so metâ bi hnân he ka owisa.

¹¹ A ne ûhûlû on kʼ adre me tiga ca ohnamâ, me ba troban ka at ame ohnamâ.

¹² Haba je hofuc hwan hnyimen at ae metâ, me wale tang betenge; ke haba li esongodiny at ae monu me ame he ka utâ e bi.

¹³ Haba hofuc a bân ûnyi hnyi hnyimen me wale hwen monu; ke haba hofuc a biliny ûnji hnyi hnyimen, me ti hwen monu.

¹⁴ Haba at ae monu e ame osehia hwan je hofuc: ke so bi e ca khana at ûnyi ame he ka o; ke ie at ame he ka omanenâ kâu ta je ûnyi ame he ka o hwaban?

¹⁵ Haba huliwa anyin tavat ae monu, me ame osenyini ödra hia, anyin adre me ca wâ bi gethen ka he ka hnyi taun.

¹⁶ Hnyei lö, e köiö gam, e ka wanakat tuhâm, ke ame han hnyi hnyomakatu ânyâm je taben!

¹⁷ Hnyei lö, hnâm hnahic e ka nokon than tuhâm, ke ânyâm je taben adre me han hnyi ûen ae ûcû mʼ adre me hwege, ke ca hnân bi he ka monu ge grâg!

¹⁸ Can hwen höcö ame ū but ban uma; ke e ka ca huliwa li hnyam ame he ka khula uma.

¹⁹ Adre ânyâ bijeû hnân hnyi hluma, ke waina ame osenyinâ möt: ke ûcû ta je ûnyi hia ka mone.

²⁰ Ca hangâ bi than, ohe, ca ânyâ hnyi hnyekom; ke ca hangâ bi tavat adre tren omjeû eio hnyi ânyâm hnyeule mokut: anyin ame he meno ame gâ ethö ka hom hwan, ke ame he at ae hu li labenyin ka omanenâ hna ha.