II. Man Ûlabainy Je Than. 1 - Iaai Bible 1901 (New Caledonia)

¹ KE adre me ohwegiö Solomona nöku Davita hnyi dokhon dokhu, ke tha Iehova a Khongon mē, kʼ ame ogânâ e.

² Ke haba Solomona ame fuc ka at Isaraela hia, ka je taben thauzan me haded, me tavat owisa, me je taben Isaraela hia, je ban je lap anyin lakamen.

³ Ke haba Solomona me ûkhacaköu hia, ödrin e tha he ka hnyi dok ae gorany hnyi Gibeona; anyin a eling uma ûkhacaköu umen Khong, a ânyâ Mose athnyabainy Khong hnyi hnyebuba.

⁴ Ke Davita ame hia but hom tang tangen Khong ûheny Kiriatha-jarim ka hnyi dok ame penapena ga Davita hobi kâu: anyin a biâ but otilâ uma mano hnyi Jerusalema hobi kâu.

⁵ Ke haba taben hut a bras, waleji hnö Bezaleli nöku Uri, nöku Huro, hna ânyâ, e but ling hnyi hnyimakan uma mano umö Iehova: ke haba Solomona me ûkhacaköu hia ödrin e elâm hnyin e.

⁶ Ke haba Solomona ame ölö kâe ka hnyi taben hut bras hnyi hnyimakö Iehova, hnyi uma ûkhacaköu, me hudo hon e je hudiny leû a wan thauzan.

⁷ Ke haba Khong ame manen hnyi lit eling kö Solomona, me ha kâu, ka habe, Sumâtâ thö ûnyi oge me he ka ham köu.

⁸ Me haingö Solomona ka Khong, ka habe, U je betenge gan hmâ ga cica Davita, me otilö nya ka than hwaban.

⁹ Ke walang, Iehova Khong lö, ö u ohmâ ju hwâm hofuc kö cica Davita: anyin a u je otilö nya he ka than hon tavat ae se helâ me sesâiny hmeledrany ûseidrin.

¹⁰ Ö u ham könya walang metâ me wâhmakhmeto, mʼ inye he ka didrut me didro hnyi hnyimakan tavat eang: anyin a ie at ae khana he ka owisa ka lakem eang ae gan?

¹¹ Haba Khong ame ha kö Solomona, ka habe. Anyin a e hnyi hnyekom ûnyi e, ke u je ca sumatö omjeû, me ta je ûnyi, me hna ogânâ, me he ka kot je iwahnaihmiony möu, ke u je ca sumâtâ minya he ka möt beû; ke u je sumâtâ he ka metâ me wâhmakhmeto, mʼ u me owisa ka lakeik a hnyat oge me otilö u he ka than hon:

¹² awe adre ma ham köu metâ me wâhmakhmeto; ke oge me he ka ham köu omjeû, me ta ûnyi, me hna ogânâ ae ca hu helâe je than a bân, ke ame ca he ka helâe hwabâm.

¹³ Ke haba Solomona ame he Jerusalema ai ûheny hnyi dok ae gorany hnyi Gibeona, hnyi hnyimakan uma ûkhacaköu; ke e ame musi hnyi Isaraela.

¹⁴ Ke Solomona ame ûkhacaköuâ je kariota, me tavat tabö hors: ke hu gan wan thauzan ke foa haded anyin je kariota, ke twelv thauzan tavat tabö hors, wale e ame ip ödrin hnyi je tauniny je kariota, me e unyin than hnyi Jerusalema.

¹⁵ Ke haba than ame osehia sileva me gol hnyi Jerusalema helâ me je veto, me je arasi helâ me je sukamore hnyi hnyigöulen bucen.

¹⁶ Ke haba je hors hale Solomona me adre hom ûheny Aigupito; ke haba tavat ûcû anyin than, me ödrin e kap je deö hors ge hwaban.

¹⁷ Ke ödrin e hom me hom ûheny Aigupito kariota hwaban sileva a siks haded je sekel, ke wan haded ke fifte je sekel hwaban hors: me ödrin e hom helâe hobi kâu je thaniny at Heth me Suria.