NAMBAR 26 - PATHIAN LEKHABU IRTHIANG C.L. Bible (BSI)

Moab rama Israel irtepna thu

¹ Khanchu hripui a lêng zoiin chu, Rengpa’n Mosia le Arona nâipa Eleazara a chongpuihaia.

² “Israel irchihai murdi, kum sômhni ata a chung tianga a nam namin, Israel rama râl doi thei dôr chu tephai ving roi,” a tia.

^3-4 Khanchu Mosia le Eleazara’n a iti lam ang takin an thoa, pasal murdi kum sômhni le a chung tianga mihai kha a koibûmhaia, Jeriko irdîn Jordan tuidung kôla Moab phâizôla an bûmhaia. Hihai hi Aigupta ram ata hong suak Israel irchihai chu an ni.

⁵ Reubena panam hai: (Reubena chu Jakoba nâilutîr a ni) Reubena nâipasalhai chu Hanoka le Palua

⁶ Hezrona, Karmia,

⁷ hihai hi Reubena nama mi chu an ni. Anni tep theia om kai chu sîngminli sângthum le irzasari sômthum an ni.

⁸ Palua irchi Eliaba;

⁹ Eliaba irchihai chu, Nemuela, Dathana le Abirama hai hi an ni. (Hi Dathana le Abirama hai hi an ni, Mosia le Arona hmusita Kora pâl tianga kopa Rengpa chunga têngtôngsiahai kha.

¹⁰ Irnêng kikin an volpaihaia, Kora le a pâlhai le an thi suama, meiin mi irzahni sômringa a kâng thathai lai khan; anni chu mipuihai ta hranga irsinsiana an hong ni tâka.

¹¹ Khannisian Kora nâihai chu thi sa mahai.)

¹² An nam dungzuiin Simeona irchihai chu Nemuela, Jamina, Jakina;

¹³ Zera le Saula an ni.

¹⁴ Hihai hi Simeona irchihai chu an ni, an rêngin mi sînghni sânghni le irzahni pasal an ni.

¹⁵ An nam dungzuiin Gada nâipasalhai chu; Zefona, Haggia, Sunia;

¹⁶ Oznia, Eria,

¹⁷ Arodia le Arelia hai hi an ni.

¹⁸ Hi nama mi hi pasal mi sîngminli irzaringa an ni.

¹⁹ Juda nâipasalhai hi Era le Onana an ni. Era le Onana chu Kanaan rama an thia.

²⁰ Juda irchi fe dân chu hiang hi a ni, Sela, Pereza le Zera an ni.

²¹ Pereza irchihai chu Hezrona, Hamula hai hi an ni.

²² Hi nama mi hi sîngsari sângruk le irzaringa an ni.

²³ A sûngkua dôn te’n Isakara irchihai chu: Tola, Tol nam irchibul; Pua, Pu nam irchibul;

²⁴ Jasuba, Jasub nam irchibul; Simrona, Simrona nam irchibul.

²⁵ Hihai hi Isakara irchihai chu an ni, mi sîngruk sângminli irzathum an ni.

²⁶ Zebulun panamhai; Sereda, Elona le Jaleala an ni.

²⁷ Hihai tam dân chu pasal sîngruk irzaringa an ni.

²⁸ Josefa panamhai chu, Manasea le Efraima an ni.

²⁹ Manasea irchihai chu, Manasea nâipa Makira chu Gileada irchihai pa a nia, hihai hi Gilead irchihai chu an ni.

³⁰ Iezera, Heleka,

³¹ Asriela, Sekema,

³² Semida le Hefera,

³³ Hefera nâipa Zelofehada’n nâipasal nei maka, nâinupang vai a neia, an irhminghai chu, Malaii, Novaii, Hoglaii, Milkaii le Tirzaii an ni.

³⁴ Hihai tam dân chu pasal mi sîngringa sânghni le irzasari an ni.

³⁵ Efraima irchihai chu; Suthela, Bekera le Tahana an ni.

³⁶ Khan Erana irchihai chu Suthela irchi rengata suak an ni.

³⁷ Hi irchihai tam dân chu pasal mi sîngthum sânghni le irzaringa an ni. Hihai hi Josefa irchi rengata panama suakhai an ni.

³⁸ Benjamina panamhai chu: Bela, Asbela, Ahirama.

³⁹ Sefufama le Hufama an ni.

⁴⁰ Arda le Naamana irchihai hi Bela rengata suak chu an ni.

⁴¹ Hi panamhai tam dân chu pasal mi sîngminli sângringa le irzaruk an ni.

⁴² Dana panamhai chu, Husima a nia,

⁴³ an tam dân chu pasal mi sîngruk sângminli le irzaminli an ni.

⁴⁴ Asera panamhai chu; Imnaka, Ishvia le Beria hai an ni.

⁴⁵ Hebera le Malkiela irchihai hi Beria panama suak an ni.

⁴⁶ Asera hin nâinupang inkhat a neia, a’rhming chu Seri a ni.

⁴⁷ Hi panamhai tam dân chu, pasal mi sîngringa sângthum le irzaminli an ni.

⁴⁸ Naftalia panamhai chu, Jahzeela, Gunia,

⁴⁹ Jezera le Silema an ni.

⁵⁰ Hi panamhai tam dân chu pasal mi sîngminli sângringa le irzaminli an ni.

⁵¹ Israel irchia mi pasal murdi chu nuairuk sângkhat irzasari sômthum an ni.

⁵² Khanchu Rengpa’n Mosia kuang,

⁵³ “Ram hi nam tin laia an tam dân enin sem pehai roh.

^54-56 Tasânin ram hi semin lân, nam tam ualhai chu a lian ual pehaiin lân, a tôm ualhai chu a chîn ual pehai ro,” a tia.

⁵⁷ Khanchu hihai hi Levi mihai an nam fe dân anga tepa omhai chu an ni, Gersona Kohatha le Meraria hai hi.

⁵⁸ Hi nama mi irchi suanpârhai chu Libnia, Hebrona, Mahlia, Musia le Kora hai hi an ni. Kohatha chu Amrama pa a nia,

⁵⁹ ama chu Levi nâinu Aigupta rama irzir Jokebedi leh an irluaa. Khan Amrama chu nâipasal inhni, Arona le Mosia le nâinupang inkhat Miriami a nei pea.

⁶⁰ Arona’n nâipasal minli a neia, Nadaba, Abihua, Eleazara le Ithamara hai hi an ni.

⁶¹ Nadaba le Abihua chu Rengpa kuang mei irthiang loi an inhlan lai khan an thi tâka.

⁶² Levi mi pasal tha khat le a chung tianga tep theia omhai kai chu mi sînghni sângthum an ni. Anni hi chu Israel mihai laia irchon dong hrang an ni no sikin, Israel mihai laia tep sa ni mahai.

⁶³ Khan hi panamhai murdi hi Mosia le Eleazara’n Jeriko irdîn, Jordan vapang Moab phâizôla khan Israelhai tepa an om lai khan an tephaia,

⁶⁴ Sinai ramchâra Israel mihai Mosia le ochai Arona’n an itephai kha inkhat lua om ta mahai.

⁶⁵ Rengpa’n “Ramchâra thi ngêt an ti,” a lei ti tâk sikin, Jefunea nâipa Kaleba le Nuna nâipa Josua ti no chu tukhom a hring om ta mahai.