LEVI DÂN 3 - PATHIAN LEKHABU IRTHIANG C.L. Bible (BSI)Irpôlkhôm thilinhlan 1 Irpôlkhôm thilinhlan hrang mi’n an sa vâi laia a hong inhlanin chu a chal mani, a pui mani hmêlveiloi, Rengpa makunga a hong inhlan hrang a ni. 2 A sa inhlan lu chunga a kut irnghat a ta, irtongna puan in tual lûtna mikot kôla that a ta, ochaiin a thisen kha maichâm a inzung irkual suak hrang a ni. 3 Irpôlkhôm thilinhlan ata kha Rengpa hrangin hihai hi inhlan hrang a ni: a rîl le a thâi murdi, 4 a bêhai le a thâi, a mithin hlap sa lai tak 5 kha ochaiin maichâma hâlirvôm thilinhlan dang a hâl laiin a ihâlirvôm hrang a ni; kha kha Rengpa nuamlam tak a ni. 6 Irpôlkhôm thilinhlan hrang mi’n a belra mani, a kêl laia mani a hong inhlanin chu a pui khom, a chal khom, hmelveiloi a inhlan hrang a ni. 7 Belra a hong inhlanin chu 8 a lua a kut irnghat a ta, irtongna puan in mikota Rengpa makunga a ithat hrang a ni; ochaiin chu a thisen kha maichâma inthek irkual suakpui hrang a ni. 9 Irpôlkhômhai thilinhlan ata kha Rengpa hrangin hihai hi a inhlan hrang a ni: a’rmei thâi, a bulrêta tan, a rîl thâi murdi, 10 a bêhai leh a thâi, a mithin a sa lai tak, 11 kha kha ochaiin maichâma Rengpa kuang pêk hrang thilinhlana a ihâlirvôm hrang a ni. 12 Rengpa kuanga a thilinhlan kha kêl a ni’n chu, 13 a lua a kut irnghat a ta, irbiakna in mikota that a ta, a thisen kha ochaiin maichâma a inthek irkual suak hrang a ni. 14 Hi hi fâk hrang thilinhlan hrangin Rengpa kuang a inhlan hrang a ni, a rîl thâi murdi 15 a bêhai le a thâi hlap, a mithin hlap sa lai tak. 16 Hi hi fâk hrang, thilinhlan hrangin ochai khan maichâma Rengpa lei lôm hrangin a ihâlirvôm hrang a ni. A thâi murdi hi Rengpa ta hrang a ni. 17 Israel mi tukhomin sa thâi le thisen an ifâk hrang ni ma. Israel mihai kha khoa khom omhai sian hi dân hi an izôm kumkhua hrang a ni. |
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
Bible Society of India