Zabur 54 - Hodáay Pákén Ketáb Balochi zobáná

Gón wati námá maná berakkén

Pa sázger o washáwázáni sálárá. Gón simmi sázán. Dáuday shayri gwashtánk, hamá wahdá ke Zépay mardom Sháulay kerrá shot o gwashtesh: “Bárén, Dáud watá may nyámá chér dayagá naent?”

¹ Oo Hodá! Gón wati námá maná berakkén. gón wati zórá gonáhay bohtámá cha mani sará bethagalén.

² Hodáyá! Mani dwáyá gósh kan o dapay habarán beshkon.

³ Chiá ke bigánag, mani démá pa dozhmeni pád átkagant o setamger mani kóshay padá ant, hamá ke Hodáyá wati chammáni démá nayárant. Ósht...

⁴ Bale haw! Hodá mani komak kanók ent, Hodáwand mani zenday dárók ent.

⁵ Mani dozhmenáni badi áyáni jenday chakká kapát, wati wapádáriay sawabá, áyán gár kan.

⁶ Oo Hodáwand! Wati delkasshén korbánigán tará pésha kanán o tai námay shográ gerán, chiá ke nék ent.

⁷ Parchá ke taw maná cha har sakki o sóriá rakkéntag, mani chamm dozhmenay prósh waragay sháhed butagant.