Zabur 53 - Hodáay Pákén Ketáb Balochi zobáná

Nékkáré nést

Pa sázger o washáwázáni sálárá. “Mahallátay” tarzay sará. Dáuday shayri gwashtánk.

¹ Nádán wati delá gwashit: “Hodáé nést.” É palit ant o káresh bazhnák, nékkáré nést.

² Hodá cha ásmáná bani ádamá chárit tán begendit bárén dánáé hast ke Hodáay shóházá ent.

³ Sajjahénán Hodáay ráh gár dátag, hórigá palit butagant, nékkáré nést, yakké ham nést.

⁴ Badkár hech sarpada nabant? É mani kawmá anchosha warant ke mardom nagana warant o Hodáyá hech tawára nakanant.

⁵ Ódá ke hech torsé nést é sakka torsant, chiá ke Hodá shomay angerr kanókáni haddhán sheng o shánga kant, taw eshán sharmendaga kanay, chiá ke Hodáyá á cha wat dawr dátagant.

⁶ Kasé cha Sahyuná byáyát o Esráilá berakkénát. Wahdé Hodá washbahtiá pa wati kawmá pera tarrénit, Ákub gal o bála bit o Esráil shádehia kant.